Сайта кӗр | Регистраци | Сайта кӗрсен унпа туллин усӑ курма пулӗ
 +17.0 °C
Ӑсмассерен аш турамӗ лекмест.
[ваттисен сӑмахӗ]
 

Йӑмӑк (Иван Егоров)

Виҫӗ вӑрман урлӑ вӗҫсе кайрӑн,
телей пекки курӑнчӗ куҫна,
анчах та эс ӑна тупаймарӑн.
Ах тур йывӑр килчӗ-тер пуҫна.

Телей кайӑкне эс кураймарӑн.
Килнӗ-ши вӑл, ҫук-ши тӗнчене?
Хӑш ҫӗрте-ши, мӗнле ҫырӑн-варӑн
илӗртсе ҫӳрет вӑл ҫынсене?

Тӑванусемшӗн эс тунсӑхлатӑн
чунна пусарма никам ҫукран.
Тӗл пулсан таттисӗр калаҫатӑн.
Каяс чух ларан пӑхса куҫран.

Хальхинче те куҫӑмран чӑр! пӑхрӑн,
Ярассу килмест пӗртӑванна.
Ӑсатма эс тухрӑн, эс каларӑн:
"Черетпе, ак, пуҫлӑпӑр кайма..."

Черетпе-и е черет пӗтсен-и,
Тур ҫырнинчен пурпӗр иртес мар.
Йывар шухӑш килӗ — пире кӗт эс,
вӑрман хӗрринелле тухса лар.

Утмӑла ҫитсен те эс пахатӑн
ҫав кайӑка курмӑп-ши тесе.
Курсан-курмасан та шухӑшлатӑн:
"Май пулсан — антарӑттӑм персе..."


 
Статья каҫми :: Пичет версиӗ

Admin тӳрлетнӗ, информацие 2006-11-29 13:44:49 вӑхӑтра улӑштарнӑ. 2325 хут пӑхнӑ.
Orphus

Баннерсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org