Емельянов Прохор Канонович — чӑваш ҫыравҫи, драматургӗ. 1913 ҫулхи утӑн 25-мӗшӗнче Элӗк районӗнне кӗрекен Ураскилт ялӗнче ҫуралнӑ. 1991 ҫулхи раштавӑн 27-мӗшӗнче Шупашкарта вилнӗ.

1978 ҫулта СССР ҪП членӗ шутне кӗртнӗ.

Кун-ҫулӗ

Чӑваш ял хуҫалӑх институтӗнче тата Чӑваш педагогика институчӗн историпе филологи факультечӗнче пӗлӳ илнӗ. Тӑван Ҫӗршывӑн Аслӑ вӑрҫине хутшӑннӑ. Ачасене вӗрентнӗ.

Ӗҫӗсем

Калавсем, пьесӑсем ҫырнӑ. Пурӗ 8 кӗнеке тухнӑ:

• «Ҫумӑр тумламӗ»;
• «Икӗ тӗлпулу» (1980);
• «Япаласем ӑҫтан килнӗ»;
• «Софрон Иванч ывӑлне авлантарать»;
• «Калавсемпе повеҫсем» (1983);
• тата ыттисем.