Сайта кӗр | Регистраци | Сайта кӗрсен унпа туллин усӑ курма пулӗ
 +18.0 °C
Нумай итле, сахал калаҫ.
[ваттисен сӑмахӗ]
 

Горшков Анатолий Ермолаевич

Горшков Анатолий Ермолаевич, чӑваш чӗлхин тӗпчевҫи, филологи ӑслӑлӑхӗсен кандидачӗ, доцент. 1931 ҫулхи кӑрлачӑн 5 Чӑваш Енӗн Муркаш районӗнчи Вускасси ялӗнче ҫуралнӑ. 2012 ҫулхи утӑн 17-мӗшӗнче ҫут тӗнчерен уйрӑлса кайнӑ.

Чӑваш АССР культурӑн тава тивӗҫлӗ ӗҫченӗ (1985).

Кун-ҫулӗ

Анатолий Ермолаевич хресчен ҫемьинче кун ҫути курнӑ. 1938 ҫулта пулас тӗпчевҫӗ Сӑпайкассинчи пуҫламӑш шкулта вӗренме пуҫланӑ. Унтан Калайкассинчи ҫичӗ ҫул вӗренмелли, Ишлейри вӑтам шкулсенче ӑс пухнӑ. 1947 ҫулта шкултан вӗренсе тухса Чӑваш патшалӑх педагогика институтне вӗренме кӗнӗ. Ӑна 1953 ҫулта вӗренсе пӗтернӗ.

Институтра вӗреннӗ чухнех Анатолий Горшков хаҫат-журнала статьясемпе тӗрленчӗксем ҫырма пуҫланӑ.

Чӑваш патшалӑх кӗнеке издательстви редакторӗ (1953-1954; 1961-1964), Чӑваш республикин пичет управленийӗн пуҫлӑхӗ (1964—1968), Чӑваш ӑслӑлӑх тӗпчев институчӗн директор ҫумӗ (1968—1989), Чӑваш патшалӑх педагогика институчӗн доценчӗ (1990 ҫултанпа) пулнӑ.

Ӗҫӗсем

Анатолий Горшков 1963 ҫулта Мускаври Чӗлхе пӗлӗвӗн институчӗнче «Роль русского языка в развитии и обогащении чувашской лексики» темӑпа кандидат диссертацине хӳтӗленӗ. Унӑн тӗпчевӗсем чӑваш чӗлхин лексика, орфоэпи, фразеологи, стилистика, терминологи ыйтӑвӗсемпе, пуплев культурипе ҫыхӑннӑ. Асӑннӑ ыйтусене тӗпчесе вӑл ҫӗре яхӑн уйрӑм кӗнекепе статьясем пичетлесе кӑларнӑ.

Анатолий Горшков вырӑсла-чӑвашла, чӑвашла-вырӑсла, фразеологи, орфоэпи словарӗсене, чӗлхе ыйтӑвӗсемпе ҫыхӑннӑ сборниксене хатӗрлес тата редакцилес енӗпе те ӗҫлет.

Пичетленнӗ ӗҫӗсем

  • Чӑваш чӗлхи лексикин аталанӑвӗ. Совет тапхӑрӗ. Ш., 1960;
  • Роль русского языка в развитии и обогащении чувашской лексики. Ч., 1963;
  • Мӗнле каласан тӗрӗс? Словарь-справочник. Ш., 1973;
  • Сӑмах пултӑр уҫӑмлӑ, шухӑш пултӑр витӗмлӗ. Ш., 1981;
  • Чӑваш чӗлхи: лексика, фразеологи, пуплев культури. Вӗренӳ пособийӗ. Студентсем валли. Ш., 1997.

Вуламалли

  • Сергеев В.И. Паллӑ тӗпчевҫӗ //Коммунизм ялавӗ. 1981. Янв. 4-мӗшӗ;
  • Алексеев А.А. Тӑван чӗлхемӗре юратсан... //Коммунизм ялавӗ. 1991. Янв. 15-мӗшӗ;
  • Чернов М.Ф. Чӗлхе тӗпчевҫи // Ялав. 1981. 3 №;
  • Чӑваш чӗлхеҫи Анатолий Ермолаевич Горшков. 70 ҫул тултарнӑ тӗле. Биобиблиографи справочникӗ. Ш, 2001.


 
 
Статья каҫми :: Пичет версиӗ

Admin тӳрлетнӗ, информацие 2012-07-19 23:10:12 вӑхӑтра улӑштарнӑ. 3834 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org