Сайта кӗр | Регистраци | Сайта кӗрсен унпа туллин усӑ курма пулӗ
 +4.0 °C
Ӗнен сӗчӗ чӗлхе вӗҫӗнче.
[ваттисен сӑмахӗ]
 

Васильев Александр Георгиевич

Васильев Александр Георгиевич, — чӑваш кӗвӗҫи. 1948 ҫулхи кӑрлач уйӑхӗн 9-мӗшӗнче Чӑваш Енӗн Тӑвай районӗнчи Тӑрмӑш ялӗнче ҫуралнӑ, ҫавӑнтах 8 клас вӗренсе тухнӑ.

Чӑваш Енӗн ӳнер тава тивӗҫлӗ ӗҫченӗ (1981), М. Ҫеҫпӗл ячӗллӗ преми лауреачӗ («Весенние хороводы» хор кантатишӗн, 1982), Пӗтӗм Раҫҫейри ҫамрӑк кӗвӗҫӗсен курав-конкурсӑн лауреачӗ (Иккӗмӗш струнӑллӑ квартетшӗн, 1969). 1997 ҫулта «Поклонение Земле и Предкам» ятлӑ хорпа солист валли ҫырнӑ концертшӑн Чӑваш Енӗн Патшалӑх премине тивӗҫнӗ.

Кун-ҫулӗ

Ҫамрӑклах купӑспа вылянӑ, кайран — баянпа. 1963-1967 ҫулсенче Шупашкарти музыка училищин теори уйрӑмӗнче В. А. Ходяшев патӗнче вӗреннӗ. 1967-1972 ҫулсенче Мускаври Гнесинсен ячӗллӗ Музыкӑпа педагогика институчӗн композици класӗнче вӗреннӗ. 1982-2001 ҫулсенче — Чӑваш Енӗн кӗвӗҫӗсен пӗрлӗхӗн правлени пуҫлӑхӗ.

Ӗҫӗсем

Кӗвӗҫӗн чи пысӑк ӗҫӗ — Ҫ. Элкерӗн «Под гнетом» поэми тӑрӑх (либретто — Г. Краснов) ҫырнӑ 3 пайлӑ «Чакка» опера. Ӑна институтра Г. И. Литинский класӗнче ҫырнӑ. Оперӑри ӗҫсем Пугачев пӑлхавне пуcарнӑ хыҫҫӑн чӑваш ялӗнче пулса иртеҫҫӗ. Чакка — хресченсен ертӳҫи.

Симфониллӗ ӗҫсенчен паллисем:

  • «Праздничная увертюра» (халӑх йӑлисем тӑрӑх, 1974),
  • «Токката» (1974),
  • «Приношение Федору Павлову» (кӗвӗҫ 100 ҫул тултарнӑ май ҫырнӑ, 1992).

Паллӑ ӗҫӗсем шутне ҫавӑн пекех икӗ сюита — «Жаворонок», «Весенние хороводы» кантата — анатри чӑвашсен кӗвӗ фольклорӗпе, «Бабье лето» тата «Поклонение Земле и Предкам» хор концерчӗсем, т.ыт. кӗреҫҫӗ.

Мускавра «Хоры без сопровождения» ятлӑ ун ӗҫӗсен пуххине пичетленӗ (1990).


 
 
Статья каҫми :: Пичет версиӗ

Admin тӳрлетнӗ, информацие 2008-02-05 20:01:48 вӑхӑтра улӑштарнӑ. 5495 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org