Паян, акан 25-мӗшӗнче, __Елчӗк районӗнчи__ чӑваш чӗлхипе литературине вӗрентекенсемпе шкул ачисем __Иван Яковлевич Яковлев__ ҫуралнӑ ялта — __Тутарстанри__ __Кӑнна Кушкинче__ пысӑк уявра пулчӗҫ.
Ахальтен мар ҫак уяв ҫулсеренех иртекен __Чӑваш чӗлхи кунӗпе__ тӳр килет. Шӑпах ҫак кун 165 ҫул каялла ҫут тӗнчене тӑван халӑха ҫутлӑх парнеленӗ хӑватлӑ ҫынннӑмӑр, Аслӑ вӗрентекенӗмӗр __Иван Яковлевич Яковлев__ ҫуралнӑ. Халӑха ҫутта кӑлараканӑн пархатарлӑ ӗҫне чӑваш халӑхӗ яланах сума сӑвӗ. Мӗншӗн тесен унӑн вӗрентӗвӗ чӑваш ҫыннине малалла утма анлӑ ҫул хывма пулӑшнӑ. Пухӑннисем те, тӗпрен илсен, Аслӑ вӗрентекенӗмӗрӗн пархатарлӑ ӗҫне палӑртса нумай-нумай ӑшӑ сӑмахсем каларӗҫ. __Л.П. Кураков__ академик, Чӑваш халӑх поэчӗ __В.В. Туркай__, Яковлевӑн ҫывӑх тӑванӗсем тата ыттисем Аслӑ вӗрентекенӗмӗрӗн вышкайсӑр сумлӑ ӗҫне палӑртса каларӗҫ. Иван Яковлевӑн сумлӑ ӗҫне пуҫ тайма хальхинче тӗрлӗ тӑрӑхра пурӑнакан нумай-нумай чӑваш пухӑнни хӑйех пысӑк пӗлтерӗшлӗ пулӑм. Вӗсем пӗтӗм чун-кӑмӑлтан И.Я. Яковлев пурӑннӑ ҫурт вырӑнӗнчи часавня умне, ҫавӑн пекех ун палӑкӗ ҫумне чӗрӗ чечексем хучӗҫ.
Хӑнасем __Кӑнна Кушки__ шкулӗнче пулчӗҫ, И.Я. Яковлева халалланӑ музее кӗрсе курчӗҫ.
__...__ - сӑмаха каҫӑ евӗр тӑвасси.
__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).
__https://chuvash.org|...__ - сӑмах ҫине тулаш каҫӑ лартасси.
**...** - хулӑм шрифтпа палӑртасси.
~~...~~ - тайлӑк шрифтпа палӑртасси.
___...___ - аялтан чӗрнӗ йӗрпе палӑртасси.
-0.7 °C
