«Вырӑнӗсем пирӗн чӑнах та пуян: пурӑн, ӗҫле, мӑнаҫлан: ҫӗрӗ-шывӗ тулӑх», — тет __Çĕмĕрлĕ тăрăхри|Ҫӗмӗрлӗ тӑрӑхри__ __Макарин ял тăрăхĕн|Макарин ял тӑрӑхӗн__ пуҫлӑхӗ Л. Егорова. Анчах та ял хуҫалӑхра ӗҫлес ҫынсем сахалансах пыраҫӗ. Мӗн тӑвӑн ӗнтӗ: ҫӗр ӗҫӗ чӑнах та нушаллӑ, хулари пурӑнӑҫпа танлаштараймӑн. Кам яла юлни вара чӑнах та тӑрӑшать, тапаланать. Тӗслӗхрен, __Петропавловск__ ялӗнчи Толстовсен ҫемьи. Пилӗк ҫул каяллах Михаил Яковлевич, ҫемье пуҫлӑхӗ, Мускава ҫӳресе укҫа туса 30 пуҫ сысна туяннӑччӗ, тӑванӗсемпе канашланса килти хуҫалӑх йӗркелес шухӑш тытнӑччӗ. «Анчах та тырӑ хакӗ хӑпарса кайнине пула ҫак пуҫарӑва пӑрахма, выльӑхсене сутма тиврӗ», — куллянать хресчен. Анчах та пуҫа усса ларма юрамасть, ҫӗнӗ меслетсем тупас пулать. Патшалӑх ял хуҫалӑх ӗҫченӗсене пулӑшнине пӗлсе Толстовсем выльӑх-чӗрлӗх хуҫалӑхне тепӗр хут йӗркелеме шутланӑ. 2010 ҫулта 150 пин тенкӗлӗх пулӑшу илсе 13 пуҫ ӑратлӑ ӗне туяннӑ, 40 гектар ҫӗр кивҫенле илнӗ. Ку ҫӗр ҫинче тырӑ тата утӑ акса илесшӗн. Сӗтне тата аш-какайне вырнаҫтармалли меслетсем те тупнӑ ӳркенмен ҫынсем. Михаил Яковлевичӑн мӑшӑрӗ Надежда Владимировна каланӑ тӑрӑх, хуҫалӑхра туса илнӗ сӗт-ҫӑва тата аш-какая Ҫӗмӗрлӗ хулинчех вырнаҫтараҫӗ. «Туянакансене пӗрре те хурлантарман, ырӑ сӑмах кӑна илтетпӗр», — тет хӑй. — «Татах та нумай ӗҫлес килет, мӗн пултарнине тӑвас килет».

Ҫитес пилӗкҫуллӑхра тепӗр пилӗк-ултӑ пуҫ ӗне туянма ӗмӗтленеҫӗ Толстовсем, паллах ӗнтӗ, патшалӑх программипе килӗшӳллӗн: ҫӗр ӗҫӗнче пулӑшусӑр мӑнаҫланса ҫирӗпленме май ҫуккине пурте пӗлеҫҫӗ ӗнтӗ. Надежда Владимировнӑпа Михаил Яковлевичӑн икӗ пулӑшакан маттур ача ҫитӗнет: Алешӑ тата Аня.

Ҫакӑн пек ҫынсем ҫине шанса пурӑнать те, ӗҫлет те ӗнтӗ мӑнтарӑн чӑваш ялӗ.