Чӑваш Енре чикансен ачисене вырӑнти йӑла-йӗркепе паллаштараҫҫӗ. Кун пирки республикӑн влаҫ органӗсен официаллӑ порталӗнче пӗлтернӗ.
Асӑннӑ ӗҫе пурнӑҫласа чикансен ачисене Сӗнтӗрвӑрри районӗнчи Шуршӑлти А.Г. Николаевӑн мемориал комплексне илсе кайса кӑтартнӑ. Кун пек ҫулҫӳрӗве Чӑваш Енри Халӑхсен туслӑхӗн ҫурчӗ Чӑваш Енӗн Культура министерстви пулӑшнипе йӗркеленӗ.
Музейпа паллашнисем — «Лулуди» наципе культура пӗрлӗшӳри ачасем. Вӗсем Шупашар 63-мӗш тата 1-мӗш шкулсенче вӗренеҫҫӗ.
Чикан культурин пайташӗ Григорий Маркович каланӑ тӑрӑх, ачасене музейра питех те килӗшнӗ, экскурсовода вӗсем чунтан кӑҫӑкланса итленӗ.
Анатолий Силов — живопись тата графика ӑсти. Вӑл 1938 ҫулхи ҫу уйӑхӗн 20-мӗшӗнче Сӗнтӗрвӑрри районӗнчи Шуркасси ялӗнче ҫуралнӑ. Вырӑнти шкулта ҫичӗ класс вӗренсе пӗтернӗ хыҫҫӑн вӑл Звенигово поселокӗнчи ремесла училищинче тата Мускаври пир-авӑр институтӗнчи прикладной ӳнер факультетӗнче пӗлӗвне туптанӑ.
Аслӑ шкултан вӗренсе тухсан Шупашкарти пир-авӑр комбинатӗнче пусма художникӗ пулса ӗҫлеме тытӑннӑ. Унтан тӗрлӗ ҫӗрте тӑрӑшнӑ.
Паян ватӑ ҫын ҫутҫанталӑкпа киленсе чунне уҫать.
Шупашкарти Трактор тӑвакансен культура керменӗнче пуш уйӑхӗн 22-мӗшӗнче Пӗтӗм Раҫҫейри хор фестивалӗн регионти тапхӑрӗ иртӗ.
Унта Элӗк, Патӑрьел, Вӑрнар, Йӗпреҫ, Канаш, Куславкка, Комсомольски, Красноармейски, Хӗрлӗ Чутай, Сӗнтӗрвӑрри, Муркаш, Ҫӗрпӳ, Шупашкар, Ҫӗмӗрле, Етӗрне, Елчӗк тӑрӑхӗсенчи, Улатӑр, Канаш, Ҫӗнӗ Шупашкар, Шупашкар тата Ҫӗмӗрле хулисенчи 59 вокалпа хор коллективе хутшӑнӗ.
Виҫӗ кун ҫанталӑк ӑшӑ тӑчӗ пулсан та Атӑл ҫинче пулӑ тытакансем пулнӑ паян. Вӗсене Сӗнтӗрвӑрри округӗнчи Аксарин ялӗ ҫывӑхӗнче асӑрханӑ.
Пулӑҫсене пӗр ҫын видео ӳкернӗ. Шӑпах ҫавӑн чухне пӗри шыва кӗрсе ӳкнӗ.
Пулӑҫсем ҫыран хӗррине хӑйсем тӗллӗн тухайман. Вӗсем патне ҫӑлавҫӑсем килнӗ.
Сӗнтӗрвӑрри тӑрӑхӗнчи Шуршӑлти А.Г. Николаев ячӗллӗ мемориал комплексне кӑҫал юсама тытӑнасшӑн. Кун пирки Чӑваш Енӗн Культура министерствин коллегийӗн анлӑ ларӑвӗнче пӗлтернӗ.
Ларӑва ертсе пынӑ культура министрӗ Светлана Каликова пӗлтернӗ тӑрӑх, малашне те республикӑра клубсем хӑпартса лартӗҫ, пуррисене юсӗҫ. Кӑҫал 12 вулавӑш уҫма, Шуршӑлта А.Г.Николаев ячӗллӗ музее юсама тытӑнма палӑртса хунӑ. Юсав ӗҫӗ виҫӗ ҫула тӑсӑлӗ.
Сӗнтӗрвӑрри тӑрӑхӗнчи Шуршӑлти А.Г. Николаев ячӗллӗ мемориал комплексне кӑҫал юсама тытӑнасшӑн. Кун пирки Чӑваш Енӗн Культура министерствин коллегийӗн анлӑ ларӑвӗнче пӗлтернӗ.
Ларӑва ертсе пынӑ культура министрӗ Светлана Каликова пӗлтернӗ тӑрӑх, малашне те республикӑра клубсем хӑпартса лартӗҫ, пуррисене юсӗҫ. Кӑҫал 12 вулавӑш уҫма, Шуршӑлта А.Г.Николаев ячӗллӗ музее юсама тытӑнма палӑртса хунӑ. Юсав ӗҫӗ виҫӗ ҫула тӑсӑлӗ.
Чӑваш Енри палла юрӑҫсенчен пӗрне, Типшӗм Сашука, таҫта та хапӑл туса кӗтсе илеҫҫӗ. Ҫакна унӑн ӗҫ графикӗ те ҫирӗплетсе парать.
Пултаруллӑ артистӑн ҫывӑх вӑхӑтра канмалли кун та ҫук тейӗн. Унӑн кашни кунах е концерт, е корпоратив.
Паян, пуш уйӑхӗн 4-мӗшӗнче, артист Сӗнтӗрвӑрри тӑрӑхӗнчи Шуршӑлта концерт лартса парӗ; ыран — Шупашкар районӗнчи Шӗнерпуҫӗнче; пуш уйӑхӗн 6-мӗшӗнче — Муркаш районӗнчи культура ҫуртӗнче; пуш уйӑхӗн 7-мӗшӗнче — Ҫӗнӗ Шупашкарти «Химик» культура ҫуртӗнче; пуш уйӑхӗн 8-мӗшӗнче — Вӑрнар тӑрӑхӗнчи Уравӑшра.
Пуш уйӑхӗн 15-мӗшӗнче артист пауэрлифтинг енӗпе иртекен Чӑваш Енӗн кубокне хутшӑнӗ, спортпа туслӑҫкер унта вӑл хӑй те ӑмартӗ.
Пуш уйӑхӗн 22-мӗшӗнче артист Чӗмпӗр облаҫӗнче пулӗ, 29-мӗшӗнче ӑна Ҫӗнӗ Шупашкарти туя илем кӳме чӗннӗ.
Кӑрлач уйӑхӗн 30-мӗшӗнче Чӑваш Енӗн Наци вулавӑшӗнче Людмила Митрохинӑн «Нам не дано предугадать… Анатолий Рыбкин. Странный, добрый, вечный мир» кӗнекине хӑтланӑ.
Анатолий Рыбкин — Раҫҫейӗн тава тивӗҫлӗ художникӗ, Раҫҫейри ӳнер академийӗн член-корреспонденчӗ, чӑваш халӑх художникӗ, Чӑваш Республикин литературӑпа ӳнер патшалӑх премийӗн лауреачӗ, Сӗнтервӑрри районӗн хисеплӗ ҫынни.
Людмила Митрохина – Ӳнерҫӗсен ассоциацийӗн Питӗрти уйрӑмӗн вице-председателӗ.
Сӗнтӗрвӑрри округӗнче пурӑнакан Вячеслав Васильева Пӗрремӗш каналпа кӑтартнӑ. Ун пирки «Доброе утро» кӑларӑмра сюжет пулнӑ.
Вячеслав юр хырмалли хӑйне евӗр кӗреҫее шутласа кӑларнӑ. Ун ҫине вӑл ҫуна пекки ҫиреплетнӗ. Ҫапла кӗреҫе ҫӑмӑллӑн шӑвать. Ӑнӑ тӗкме тата сӗтӗрме питӗ ҫӑмӑл.
Сӗнтӗрвӑрри округӗнчи полицейскисем вӑрманта ҫухалса кайнӑ арҫынна киле ҫитме пулӑшнӑ.
Кӑрлачӑн 5-мӗшӗнче Шупашкарти хӗрарӑм полицие шӑнкӑрааласа 36 ҫулти упӑшки лесник патне хӑнана кайма тухсан ҫухалса кайнине пӗлтӗрнӗ. Лешӗ кун пирки шӑнкӑравласа калама ӗлкӗрнӗ, кайран телефонӗ сӳнсе ларнӑ.
Полици капитанӗ Григорий Шестаков тата полици майорӗ Юрий Павлов вӑрмана ҫитнӗ те арҫынна, йӗрӗ тӑрӑх шырама пуҫланӑ. 10 ҫухрӑм утнӑ вӗсем. Юлашкинчен утарти сарай патне пырса тухнӑ. Ҫӳхерех тӑхӑннӑ арҫын унта пытаннӑ. Полицейскисем ӑна вӑрмантан тухма пулӑшнӑ.
+5.3 °C