Финогентова Маргарита Николаевна — Раҫҫейри опера юрӑҫи (меццо-сопрано), Чӑваш патшалӑх оперӑпа балет театрӗн тата Чӑваш патшалӑх филармонийӗн солисчӗ. Чӑваш Республикин халӑх артисчӗ (2020), Чӑваш Республикин тава тивӗҫлӗ артисчӗ (2012). Тӗнчери тата Пӗтӗм Раҫҫейри вокалистсен конкурсӗсен лауреачӗ.

Пурнӑҫӗ

Вӑл 1981 ҫулхи раштавӑн 24-мӗшӗнче Чӑваш АССРӗнчи Улатӑр хулинче ҫуралнӑ.

2003 ҫулта И. Н. Ульянов ячӗллӗ Чӑваш патшалӑх университечӗн ӳнер факультетне «Вокал ӳнерӗ» специальностьпе вӗренсе пӗтернӗ (Чӑваш Республикин халӑх артисчӗн, Т. М. Супонина доцент класӗнче).

2004 ҫулта Чӑваш патшалӑх академи симфони капеллин солисчӗ пулса пултарулӑх ӗҫне пуҫланӑ.

2006 ҫултан пуҫласа паянхи кунчченех Чӑваш патшалӑх филармонийӗн тата Чӑваш патшалӑх оперӑпа балет театрӗн солисчӗ шутланать. Чулхулари оперӑпа балет театрӗн, Мари оперӑпа балет театрӗн сценисем ҫинче юрлать, Раҫҫей хулисем (Чӗмпӗр, Калуга, Сарӑту, Чулхула, Самар тата ыттисем те) тӑрӑх, ҫавӑн пекех ют ҫӗршывсенче гастрольсенче пулать.

Пултарулӑхӗ

Юрӑҫ репертуарӗнче ют ҫӗршыв, вырӑс тата чӑваш композиторӗсен оперисемпе опереттисенчи 20 ытла тӗп парти пур.

Тӗп опера партийӗсем

• Ольга (П. И. Чайковскийӗн «Евгений Онегин»);
• Полина тата Миловзор (П. И. Чайковскийӗн «Пиковая дама»);
• Кончаковна (А. П. Бородинӑн «Князь Игорь»);
• Феодор тата Марина Мнишек (М. П. Мусоргскийӗн «Борис Годунов»);
• Любаша (Н. А. Римский-Корсаковӑн «Царская невеста»);
• Екатерина Алексеевна (А. Г. Васильевӑн «Иван Яковлев»);
• Кармен (Ж. Бизен «Кармен»);
• Розина (Дж. Россинин «Севильский цирюльник»);
• Амнерис (Дж. Вердин «Аида»);
• Ульрика (Дж. Вердин «Бал-маскарад»);
• Флора (Дж. Вердин «Травиата»);
• Маддалена (Дж. Вердин «Риголетто»);
• Азучена (Дж. Вердин «Трубадур»);
• Лола (П. Масканьин «Сельская честь»);
• Сузуки (Дж. Пуччинин «Мадам Баттерфляй»);
• Никлаус (Ж. Оффенбахӑн «Сказки Гофмана»);
• Зибель (Ш. Гунон «Фауст»);
• Орфей (К. Глюкӑн «Орфей и Эвридика»);
• Керубино (В. Моцартӑн «Свадьба Фигаро»);
• Земфира (С. В. Рахманиновӑн «Алеко»);
• Ромео (В. Беллинин «Капулетти и Монтекки»);
• Розалинда (И. Штраусӑн «Летучая мышь»);
• Чагак (Ф. С. Васильевӑн «Шывармань»);
• Нарспи (Н. Н. Казаковӑн «Нарспи»)
• Ирина Мельникова тата Нарпике (Е. Иванова-Блинован «Сӑр чики»)
• Женька тата Марья (К. Молчановӑн «Зори здесь тихие»)

Юрӑҫӑн концерт репертуарӗнче — В. А. Гаврилинӑн, Д. Д. Шостаковичӑн, Г. В. Свиридовӑн, Р. Вагнерӑн тата ытти композиторсен хайлавӗсем.

Хисепӗсем

• Чӑваш Республикин халӑх артисчӗ (2020);
• Чӑваш Республикин тава тивӗҫлӗ артисчӗ (2012);
• Раҫҫей Федерацийӗн Культура министрӗн Тав ҫырӑвӗ (2024) — культурӑна аталантарас ӗҫе пысӑк тӳпе хывнӑшӑн тата нумай ҫул тӑрӑшса ӗҫленӗшӗн;
• «Чӑваш автономи облаҫне йӗркеленӗренпе 100 ҫул ҫитни» асӑнмалӑх медаль (2021);
• Сӑр тата Хусан хӳтӗлев чикисене тунӑранпа 80 ҫул ҫитнине халалланӑ асӑнмалӑх медаль (2021);
• Чӑваш Республикин ӑслӑлӑх, литература тата ӳнер енӗпе паллӑ ӗҫченӗсен патшалӑх стипендийӗ (2018).

Пултарулӑхри хисепӗсем

• Пӗтӗм Раҫҫейри уҫӑ «Голоса над Волгой» опера юрӑҫисен пӗрремӗш конкурсӗн I премийӗн лауреачӗ (2022);
• Ромео партине (В. Беллинин «Капулетти и Монтекки») юрланӑшӑн «Чӗнтӗрлӗ чаршав» XXI республика конкурсӗн жюрин ятарлӑ дипломӗ (2021);
• Изабелла Кольбран Россини ячӗллӗ тӗнчери вокалистсен конкурсӗн I премийӗн лауреачӗ (Салерно, Итали, 2018);
• Тӗнчери раштав вокалисчӗсен III конкурсӗн финалисчӗ (Минск, Беларуҫ, 2016);
• Франциско Виньяс ячӗллӗ тӗнчери вокалистсен 50-мӗш конкурсӗн дипломанчӗ (Барселона, 2013);
• Собинов ячӗллӗ XXIV музыка фестивалӗнчи тӗнчери вокалистсен конкурсӗн II премийӗн лауреачӗ (Сарӑту, 2011);
• М. Д. Михайлова халалласа йӗркеленӗ ҫамрӑк опера юрӑҫисен тӗнчери I конкурсӗн II премийӗн лауреачӗ (Шупашкар, 2010).

Фестивальсене хутшӑнни

• Раҫҫейпе Итали культурин тӗнче шайӗнчи «Очи черные» VI фестивальне хутшӑннӑ (Монтекатини-Терме, Итали, 2018).