Пире пылпа хаклаҫҫӗ
Тутар тӗнне йышӑнма.
Мулласем калаҫҫӗ:
«Кӑркка пӗсехи чӑпар,
Аллах ырлӑхне курар!»

Пире турӑшпа хӑвалаҫҫӗ
Христус тӗнне йышӑнма.
Пупсем калаҫҫӗ:
«Кӑркка пӗсехи чӑпар,
Туррӑн телейне тупар!»

Пире хӗҫпе хӑвалаҫҫӗ
Патша умне пуҫ тайма.
Салтаксем калаҫҫӗ:
«Пӑшал парар, хӗҫ парар,
Патша парнине чӑтар!»

Тутар тӗнӗ, патша мурӗ —
Пире ним те кирлӗ мар.
Христус турӑ — ырӑ турӑ,
Эс те пире кирлӗ мар.
Атте-анне йӑлипех
Пурӑнар виличченех.

Ку сӑвӑна «Шурӑ кашкӑр эткерӗ» (Чӑваш литературин антологийӗ, I том) кӗнекерен илнӗ.

Ҫавӑн пекех пӑхӑр

Кунта Эминен ытти сӑввисене вулама пулать