Аçтахар Плотников: Путин: «наци чӗлхисене Раҫҫейри пек тӗнчере урӑх ниҫта та хӳтӗлемеҫҫӗ»

Аçтахар Плотников19.05.2015 14:3350214 хут пӑхнӑ

Ҫапларах каланӑ тет паян Путин халӑхсен хутшӑнӑвӗсемпе вырӑс чӗлхи канашӗсен ларӑвӗнче.

Вӗсен унта хӑтлӑ Кремӗлӗнче ҫапла шухӑшлаҫҫӗ пуль те, анчах пурнӑҫӗ пачах урӑххине кӑтартса панине чухламаҫҫӗ-ши вара?

Хисеплӗ Путин?

- шкулсенче чӑваш чӗлхине тата вырӑс чӗлхине мӗн чухлӗ вӗрентнине пӗлетӗр-и?

- ППЭ чӑвашла хӑҫан тытма пуҫлӗҫ?

- техника-компьютер таврашӗпе чӑвашла усӑ курас тесен мӗн тери чакаланма тивнине пӗлетӗр-и?

- телекурав кунӗн ҫӗрӗн чӑвашла тата вырӑсла мӗн чухлӗ ҫынсен пуҫӗсене минретнине танлаштарнӑ-и?

- Европӑн регионаллӑ чӗлхесен хартине хӑҫан ратификациллеттӗр (пурнӑҫа кӗртетӗр)?

- чӑваш чӗлхи хӑҫан хут ҫӳретмелли чӗлхе пулса тӑрӗ?

- хӑҫан икӗчӗлхелӗхе пӑхӑнса ӗҫлесси ыйтмасӑрах йӗркеленсе кайӗ?

- тата ытти, тата ытти те.

Путин ман шутпа кунта е суять е хут ҫинчи «идиллине» пӗлтересшӗн.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (222)]

Ҫавӑн пекех пӑхӑр

2024.05.11

Комментари:

Agabazar // 6049.8.1992 2015.07.12 18:08
	Аппа тенинче те ним усалли те çук. Эппин "Миккуль аппа" теер пуль Миккуль текенскере те.
Agabazar // 6049.8.1992 2015.07.12 18:08
	Ку шухӑша хуратнӑ. Сӑлтавӗ: дубль
bor1959 // 1039.8.4424 2015.07.12 19:27
	Миккуль текенни хӗрарӑм пулсан ӑна "Аппа" теме юрать ӗнтӗ. Анчах та арҫынна аппа тенине илтсех кайман. Юрать, ку чӗлхе темипе ҫыхӑнсах кайман тӑр. А,тепӗр тесен, Акасапар мӗнле куҫарать сӑмаха чӑвашла ҫапла пулать те. Эпир манса кайнӑ виртуаллӑ Акасапар "законодатель языка" пулнине.
Миккуль // 4292.84.0894 2015.07.16 18:08
	Тен, Agabazar чӑвашне Аппа тесе чӗнме пуҫламалла. Agabazar чӑвашне хуть хӑта,пичче,тете,аппа, йӑмӑк тесе чӗн, уншӑн пурпӗрех пулмалла.
bor1959 // 1039.8.4424 2015.07.21 10:10
	Ку шухӑша хуратнӑ. Сӑлтавӗ: темӑпа ҫыхӑнман!
Agabazar // 3115.14.5139 2015.07.21 10:33
	Ку шухӑша хуратнӑ. Сӑлтавӗ: темӑпа ҫыхӑнман!
Agabazar // 3115.14.5139 2015.07.21 10:33
	Раççейри чĕлхесене хÿтĕлемелле иккенне Путин та йышăнать ав!
Атила // 3913.58.4645 2015.07.21 14:42
	Путин тахҫанах хӳтӗлет чӗлхесене.Чӑваш кӑна хӑйӗн ачине ҫуралсанах папа-мама вӗретет те кайрӗ вара великий русский язык.Пӗтӗмпех йӗркеллӗ.Акапасара аппа тесе чӗнмелли пирки хӑш-пӗри хирӗҫ мар.Миккуль ӑҫтан пӗлет кун пек вӑртӑнлӑха.
Agabazar // 2174.53.5099 2015.07.21 14:56
	Вăт эпĕр Путина хурлатпăр. Тĕрĕсех хурлатпăр-ха. Апла тума чарать, капла тума чарать.... Анчах та Путин юлташ чи кирлине каланă! Раççей чĕлхисене чăнах та хÿтĕлес (!) пулать. Курăсăн, ВВП шăпах хайхи çав глаголпа усă курать!
bor1959 // 1039.8.4424 2015.07.21 16:41
	Ку шухӑша хуратнӑ. Сӑлтавӗ: темӑпа ҫыхӑнман!