Мĕн килĕшрĕ? Хутшăнакансен пĕрне-пĕри хирĕçлеме именменни. Харкашас шутпа мар, чăнлăха тупас тесе,ĕçе лайăхрах тăвас тесе хирĕçлени. Тĕрĕс, алай-пăлай туса ларнипе çеç ĕç пулмасть çав вăл. Тавлашкаласа илни пĕрре те ытлашши мар.

Тимлесех пăхрăм, анчах та каллех халăхăн тĕп шухăшĕсем пирки каламарĕç.Наци идеологийĕ пирки сăмах хускатмалла.

Наци идеологи паллă:чĕлхене упрасси.Халăхăмăрăн хăйнеевĕрлĕхне упрасси.Ку вара хăвăнтан тата çемьерен пуçланать.Раççей патшалăхĕнчен,депутатсенчен,шкултан йĕрсе ларса ыйтнипех çур миллион чăваш вырăсланчĕ.

Тăванăмăрсем, ачана шкулсăр та чăвашла вĕрентме пулать (кăна Микулай тете тĕрĕс калать). Анчах çак ĕçе ашшĕ-амăшĕ тумасть пулсан, ăна ирĕксĕрех шкулăн тума тивет. Кунта вара тепĕр ыйту сиксе тухать: ачан вĕренеслĕхĕ пур-и, обществăра тăван чĕлхе кирлине (ачана!!!) палăртакан пулăм пур-и,патшалăх ăна вĕренме хистет-и тата ытти те...

Тĕрĕссине каласан (ман шутпа), ачана чăвашла калаçма вĕрентес тесен ача тавра тăван чĕлхе калаçăвĕн микросфери пулмалла. Вăл вара - çук. Апла пулсан, çакăнта калаçнин усси пур-ши? Тепĕр енчен,ыйтăва çĕклени те паха... Апла эпир Çĕр çинчен çăмăллăнах çухаласшăн мар... Хамăра епле пулсан та упраса хăварасшăнах!

Мĕн-ма Чăваш Çĕршывĕнче Çĕн Çул уявне чăваш чĕлхипе (чăвашла) ирттерейместпĕр. Кам тата мĕн пире кансĕрлет?

Паян кăна район администрацин ёлкинче пултăм. Пĕр чăваш ачи те чăвашла сăвă каламарĕ, ертÿçисем пирки сăмах та çук.

Тимер:"Раççей патшалăхĕнчен,депутатсенчен,шкултан йĕрсе ларса ыйтнипех çур миллион чăваш вырăсланчĕ."
Вара мĕн тăвасшăн эсир? Килтен-киле чăвашсене ÿкĕтлесе çÿремелле-шим? Усси пулĕ-ши апла? Кам килĕшĕ килтен-киле ыйткалакан пек çÿреме? Кутран тапса хăваласа ямĕç-и?

Çук, никам та хăваласа ямаç, халăхăн тĕп шухăшне(идеологине) тĕрĕс йышăнсан. Анчахта "чĕлхене упрасси, халăхăмăрăн хăйнеевĕрлĕхне упрасси", культура енĕпе кăна халăха чĕртсе, çул тăрăх утма вĕренеймĕпĕр.Халăх тĕп шухăшне(идеологине) официаллă майпах палăртмалла.