Аксар Чунтупай: Патшалӑхӑн Пӗтӗмлетӳ Аттестацине (9 класс) пӑрахӑҫланӑ иккен

Аксар Чунтупай06.02.2012 20:088461 хут пӑхнӑ

Ӗнер пире (те ырӑ хыпар тес, те ырӑ мар тес) ҫакна пӗлтерчӗҫ: Патшалӑхӑн Пӗтӗмлетӳ Аттестацине (9 класс) пӑрахӑҫланӑ иккен. Ку вара, ман шутпа, ҫакна пӗлтерет: чӑваш чӗлхин статусне тата аяларах антарни. Вырӑс чӗлхипе ГИА вара пӑрахӑҫламаҫҫӗ. Апла пулсан, ял шкулӗнче те чӑваш чӗлхине вӗренмесӗр пурӑнма пулать. Пӗтрӗ чӑваш чӗлхи! Пире никам та илтмест, пирӗнпе канашламасӑрах пӑрахӑҫласа пыраҫҫӗ... Намӑссӑрсем! Ҫакна чӑвашсемех тӑваҫҫӗ вӗт-ха. Тата, никам та шарламасть...

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (20)]

Комментари:

Вол // 1434.82.6525 2012.02.07 16:55
	Çук. Математикăпа вырăс чĕлхине ЕГЭ майĕпех памалла пулать. Ыттисене вара хăвăр шкултах юрать. Анчах та 9мĕш хыççăн техникума каяс тетĕн пулсассăн кирлĕ предметсене ЕГЭ майĕпе парсассăн меллĕрех.
Васса // 3608.65.7720 2012.02.07 17:10
	Елĕкхи пек сочинени е изложени те çырмаççĕ- и вара?
Акулина // 2726.08.3405 2012.02.07 19:18
	Кам хушнипе пăрахăçланă? Çакна пĕлес килет. 11-мĕшсене кĕртсе панă пирки мар-и? Пĕр енчен, 9-мĕшсенне çăмăллатни лайăх, вырăс чĕлхипе те, математикипе те гиа ирттересине пăрахăçламалла. Хам вĕрентекен пулнипе питĕ аван пĕлетĕп экзаменсене мĕнле тыттарнине.
Аксар Чунтупай // 3230.56.1044 2012.02.08 15:59
	Вунпĕрмĕшсем те чăваш чĕлхине суйласа илсе кăна тытаççĕ вĕт-ха, Акулина. Вĕсем республикипе те пĕр 100 ача пулĕ-и... Халь вара тăххăрмĕшĕнче те çапла пулĕ. Кăна эпир паян ăнланса илейместпĕр-ха, хамăр ĕçе (чăваш чĕлхи вĕрентекенсен ĕçне) çăмăллатнă пек туйăнать.
Аксар Чунтупай // 3230.56.1044 2012.02.08 16:00
	Тепĕр 10 çултан класунтан тухса тарас килĕ ак, мĕншĕн тесен ачасенчен пĕри те анне чĕлхипе калаçмĕ... Çавăн патне пымалли çăмăл та яка çул ку!
Владимир // 1725.85.9347 2012.02.08 16:49
	Ку сăмах 9мĕш класс пирки кăна. Чăваш чĕлхи. Сочинени е изложени çырассине шкулта хусамăр йышăнăр.
Акулина // 2777.42.0628 2012.02.08 17:07
	9-мĕшсем чăваш чĕлхипе гиа тытнинчен килет пулсан ялти ачасем класра чăвашла калаçассипе калаçмасси... Садикрисемех вырăсла калаçса ÿсеççĕ. Кăçал 1 класа килнисем пурте килĕсенче вырăсла калаçаççĕ. Гиа мĕнне пĕлеççĕ-и вĕсем?
Владимир // 1725.85.9347 2012.02.08 19:43
	Кăçалтан чăваш чĕлхипе экзамен майне шкул хăй йышăнать.
Галина // 1446.59.3519 2012.02.09 07:00
	Пирĕн шкул ачисем пурте чăваш чĕлхипе экзамен суйласа илнĕ.
Аксар Чунтупай // 2793.05.9612 2012.02.09 17:19
	Садике çÿрекен ачасен ашшĕ-амăшĕсем савăнсах ÿкрĕç ĕнтĕ... Тинех чăваш чĕлхи суйласа илмеллисен шутĕнче... Кĕçех вĕренÿ программинчен кăларса пăрахĕç ăна. Вара ĕçĕ те пĕтнĕ чăваш чĕлхипе... Кахал çав эпир. Камран тĕслĕх илетпĕр?