Avan: Чӗлхе

Avan31.01.2012 01:258073 хут пӑхнӑ

Ырӑ вӑхӑт пурне те канашлӑва хутшӑнма. Ҫуралнӑранпа чӑвашла калаҫатӑп, вырӑсла та аванах пӗлетӗп.Чӑвашсемпе чӑвашла, ытты халӑхсемпе вырӑсла калаҫатӑп.Анчах тӑван чӗлхепе пурнӑҫри пӗтӗм сӑлтава, пулӑма ӑнлантарса пама манӑн пӗлӳ ҫитместь,уйрӑмах ӗҫре...Е чӗлхене малалла аталантармалла, ҫӗнӗ сӑмахсем кӗртмелле кун-ҫула?

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

[Комментариле (13)]

Комментари:

Аксар Чунтупай // 1770.89.9184 2012.02.01 17:11
	Чăваш чĕлхинче мĕн пур пулăма ăнлантарма май паракан сăмахсем çителĕклĕ, хăвăрăн лексикăна пуянлатмалла çеç. Чăвашла радио итлĕр, чăвашла телепередачăсем пăхăр, чăвашла хаçат-журнал вулăр. Ялан чăвашла калаçма тăрăшăр (чăвашпа). Вара хăвăр та сисмĕр - чăвашла кирек кама "сутса яма" хăюлăх çитерĕр ак.
Акулина // 2387.59.6146 2012.02.02 09:27
	Салам пурне те! Чăвашла çырма май паракан сарăмсем (раскладкăсем) халĕ темиçе те. Хăшне шкулти компьютер çине лартмалла-ши текен ыйту хумхантарать мана. Хăшĕнпе çырсан хуть те ăçта та чăвашла вуланать-ши?
Аçтахар Плотников // 5043.2.1941 2012.02.02 10:45
	Сарăмĕсем саспаллисен вырнаçăвĕпе çеç уйрăлса тăраççĕ: пĕринче Alt-па усă курмалла, тепринче — цифрăсем вырăнĕнче вĕсем, виççĕмĕшĕнче — усă курма хăнăхнă «-», «=» пускăчсенче. Вуланасса вара хуть те хăшĕпе усă курсан та пур çĕрте те лайăх курăнать.