Ҫу уйӑхӗн 24-мӗшӗнче Шупашкарта пӗчӗк хуласен кинематографне халалланӑ Пӗтӗм тӗнчери VII кинофестиваль вӗҫленнӗ. Ҫӗнтерӳҫӗсене К.В.Иванов ячӗллӗ Чӑваш патшалӑх драма театрӗнче чысланӑ.

Фестивальпе килӗшӳллӗн 50 ытла мероприяти пулнӑ: кино кӑтартасси, тӗлпулусем, ҫавра сӗтелсем, пресс-конференцисем. «Чи лайӑх фильм» номинацире Марина Калинина режиссерӑн (Якути) «Семенчик» вӑйӑ картини ҫӗнтернӗ. «Чи лайӑх режиссура» номинацире Сергей Потаповӑн (Якути) «Подснежники» фильмӗ мала тухнӑ.

«Чи лайӑх оператор ӗҫӗ» номинацире «Булаг» фильмӑн операторӗ Дмитрий Ильков (Буряти) ҫӗнтернӗ. «Чи лайӑх актер ӗҫӗ» номинацире «Подснежники» фильмра тӗп роле вылякан Геннадий Турантаев (Якути) палӑрнӑ. «Чи лайӑх сценарий» — Айнур Аскаровӑн «Горький мед» фильмӗ (Пушкӑртстан). Андрей Васильевӑн «Нарспи» фильмӗ жюрин ятарлӑ парнине тивӗҫнӗ (Чӑваш Ен).

Наци киностуди фильмӗсен конкурс программинче «Белый день» фильмӑн операторӗ Иннокентий Амосов (Якути) тивӗҫнӗ.

Вӑйӑ фильмӗсен конкурсӗнче жюрин ятарлӑ парнине «Летящие по ветру листья» фильм (Раҫҫей) тата «Деливеранс» фильм (Раҫҫей) тивӗҫнӗ. «Иккӗмӗш планри чи лайах роль» номинацире «Жажда» фильмра ӳкерӗннӗ Игорь Лях мала тухнӑ. «Хӗрарӑм сӑнарне чи лайӑх калӑпкан» номинацире «Она» фильмри Нилюфар Файзиева ҫӗнтернӗ, «Арҫын сӑнарне чи лайӑх калӑплакан» номинацире вара — «Диалоги» фильмра ӳкерӗннӗ Владимир Меньшов, Евгений Стычкин, Алексей Маслосудов, Сергей Овчинников.

«Чи лайӑх оператор» — «Стыд» фильм операторӗ Юрий Михайлишин. «Чи лайӑх режиссер» — «Диалоги» фильм сценарисчӗсем Константин Стешик тата Ирина Волкова тата «Жажда» фильм режиссерӗ Дмитрий Тюрин.

«Чи лайӑх фильм. Гран-при» номинацире «Ученик» фильм (Финлянди) тивӗҫнӗ. «Куракансем кӑмӑллӑнӑ фильм» — «Полет. Три дня после катастрофы». Пресса парнине «Отдать концы» фильм тивӗҫнӗ. Тӗнче тетелӗнчи блогерсен ятарлӑ парнине «Жажда» фильм тивӗҫнӗ.

#кинофестивальсем, #академи драма театрӗ, #Якути, #Буряти, #киносем, #Пушкӑртстан