«Ҫанталӑк 21» порталти сӑн

«Ҫанталӑк 21» сайт ку эрнере мӗнле ҫанталӑк пулассине пӗлтернӗ. Паян тата ыран самай ӑшӑ пулӗ: республикӑра термометр 18-23 градус кӑтартӗ. Шупашкарта вара 60 ҫул каяллахи рекорд ҫӗнелес шанчӑк пур: паян тата ытларикун 20 градус ӑшӑ пулӗ.

Эрне варринче пӗлӗтленӗ. Юнкун ҫӗрле вырӑнӑн-вырӑнӑн кӑштах ҫумӑр ҫума пултарӗ. Ҫапах ку сывлӑша 14-19 градус таран ӑшӑнма чӑрмантармӗ. Ҫӗрлесерен те 10 градус ӑшӑ тӑрӗ – ҫуллахи пекех.

Канмалли кунсенче те ӑшӑ пулӗ. Шӑматкун кӑҫалхи юлашки ӑшӑ кун пулӗ: термометр 15 градус кӑтартӗ. Вырсарникунран кӑнтӑрла 12-14 градус ӑшӑ тӑрӗ. Сӑмах май, 2023 ҫулта юпа уйӑхӗнчи чи юлашки 15 градус ӑшӑ 16-мӗшӗнче пулнӑ, 2002 ҫулта – 15-мӗшӗнче, 8 ҫул каялла – 19-мӗшӗнче.

Ҫапла кӑҫал юпа уйӑхӗ историре чи ӑшши пулма пултарӗ.

#ҫутҫанталӑк, #синоптиксем, #ҫанталӑк