cap.ru/press_center сӑнӳкерчӗкӗ

ИТ-сферӑра ӗҫлекенсем ҫу уйӑхӗн 16-мӗшӗнче конференцие пуҫтарӑннӑ. Мероприяти Ҫеҫпӗл Мишши ячӗллӗ театрта иртнӗ. «IT‑Link 2026» республикӑри конференцие «Лайм Эйч Ди» компани йӗркеленӗ. Асӑннӑ компани онлайн-телевидени сервисне шухӑшласа кӑларнӑ, кунсӑр пуҫне вӑл ҫӗршыври чи пысӑк 5 виедосервисран пӗри шутланать.

Форума ИТ-отрасльти 40 ытла эксперт хутшӑннӑ, унсӑр пуҫне усламҫасем, влаҫра ӗҫлекенсем те пулнӑ.

Программӑна 4 тематика секцийӗпе йӗркеленӗ: даннӑйсен аналитики; цифра продукчӗсен управленийӗ, дизайн тата цифра продукчӗ; искусство интеллекчӗ; вайбкодинг тата стартап.

Конференци вӑхӑтӗнче пленарлӑ ларусем, профиль сессийӗсем, ӑсталӑх лаҫҫисем, уҫӑ микрофон ӗҫленӗ.

#пухусем, #форумсем, #конференцисем