МАХри "Хыпар-Вести Чувашии" каналтан илнӗ сӑнӳкерчӗк

Хӗрлӗ Чутайӗнчи тӗп пульницӑра Константин Будков ҫамрӑк тухтӑр тӑрӑшать. Вӑл Чӑваш патшалӑх университетӗнчен 2025 ҫулта вӗренсе тухнӑранпа тухтӑр пулса тимлет.

МАХри «Хыпар-Вести Чувашии» каналта пӗлтернӗ ттӑрӑх, Костя Шупашкарта ҫуралнӑ, ачалӑхӗ Сургут тӑрӑхӗнче иртнӗ. Вӑл 15 ҫулта чухне Будковсем тӑван тӑрӑха таврӑннӑ.

Ҫамрӑк тухтӑр спорт туризмӗпе кӑсӑкланать. Виҫӗ ҫулта каччӑ чылай ҫӗрте пулса курнӑ, вунвун километра хыҫа хӑварнӑ.

Тухтӑр пулма вӑл ачаранпах ӗметленнӗ май шапасемпе нӑрӑсене сиплеме юратнӑ. Чӑнласа мар-ха. Вылямалла.

Шкулта хими юратса вӗреннӗскер шкул пӗтерсен И.Н.Ульянов ячӗллӗ ЧПУри медицина факультетне вӗренме кӗнӗ. Унтан вӗренсе тухсан вӑл Хӗрлӗ Чутайӗнчи тӗп пульницӑра ӗҫлеме тытӑннӑ. Ӑна унта пурӑнмалли вырӑнпа та тивӗҫтернӗ.

#ҫамрӑксем, #сывлӑх, #тухтӑрсем, #спорт, #Хӗрлӗ Чутай районӗ