Кӳкеҫри «Бичурин тата хальхи самана» музей 25 ҫул тултарнӑ. Ҫав ятпа учреждение Китайри Шаньдун университечӗн ют ҫӗршыв чӗлхисен институчӗн вырӑс чӗлхи факультечӗн деканӗ Чэнь Пэйцзюнь та саламланӑ. Вӑл Кӳкеҫе килмен-ха, видеоҫыхӑну мелӗпе ӑшӑ сӑмах каласа хавхалантарнӑ.

Халӗ музейӑн гимн та пур. «Песня о монахе Иакинфе» ята панӑ хайлав авторӗсем Владимир Мишшан (вӑл сӑввине ҫырнӑ) тата Николай Андреев (кӗввине ҫырнӑ), гимна Иван Николаев шӑрантарать.

Юбилея «Хамӑръен» пултарулах пӗрлешӗвӗн хастарӗсем: чӑваш халах художникӗ Юрий Матросов, Чӑваш Енӗн тава тивӗҫлӗ художникӗ Петр Пупин, Чӑваш художникӗсен союзӗн председателӗ Наталия Соловьева, союз членӗсем Надежда Егорова, Антонина Павлова, Ильгизар Басыров та пырса ҫитнӗ.

#культура, #музейсем, #юбилейсем, #Китай, #Кӳкеҫ