Паян 6:26 сехетре Чӗмпӗр облаҫӗнчи Чартаклӑ районӗнче «Мускав – Челябинск» маршрутпа ҫӳрекен пассажир пуйӑсӗн 7 вакунӗ рельс ҫинчен тухса кайнӑ. Пуйӑс Мускава кайма тухнӑ.

Авари вӑхӑтӗнче унта 415 ҫын пулнӑ. 7 пассажир, ҫав шутра 1 ача, аманнӑ. Вӗсене медпулӑшу параҫҫӗ.

Чукун ҫулӑн ҫак пайӗ ҫинче пуйӑссем ҫӳреме чарӑннӑ. Авари вырӑнне Чӗмпӗрти, Пӑкӑльмари, Сызранти тата Рузаевкӑри юсав пуйӑсӗм килмелле. Ҫавӑн пекех вырӑнта оперативлӑ штаб йӗркеленӗ.

Халӗ специалистсем сӑлтавне уҫӑмлатаҫҫӗ, тӑкака шутлаҫҫӗ. Вырӑнта Следстви комитечӗн криминалисчӗсем ӗҫлеҫҫӗ.

#кӳршӗре, #чукун ҫул, #пуйӑссем, #Мускав, #Чӗмпӗр