Нумай пулмасть Н.В. Фёдоров 23-мӗш Тӗнче кубокне хатӗрлесе ирттерме пулӑшакан республика йӗркелӳ комитечӗн ларӑвне ирттерчӗ. Ларӑва Раҫҫей ҫамӑл атлетика федерацийӗн вице-президенчӗ Татьяна Подорожная та хутшӑнчӗ.

Ларӑва уҫса Николай Фёдоров ҫак сӑмахсене каларӗ: «Мы должны претендовать на то, чтобы предстоящий праздник спорта и здоровья стал заметным событием в жизни каждого патриота Чувашии и России. Это необходимо заложить не просто в большую политику, а стать нормой в нашей повседневной работе».

Кубока хутшӑнас текенсем хӑйсен заявкисене ака уйӑхӗн 25-мӗшӗччен ярса пама пултараҫҫӗ. Хӑш-пӗр делегацисем Шупашкара ака уйӑхӗн вӗҫӗнчен ҫитесшӗн — сӑмахран, Чили, Корей тата ытти патшалӑхрисем. Кубок иртнӗ кун Шупашкара нумай ҫын кирлме палӑртать. Ак Мӑкшӑ Республикинчен те ҫер ытла ҫын килесшӗн — вӗсем ҫапла май хӑйӗн ентешне хавхалантарасшӑн.

Лару вӑхӑтӗнче хӑрушлӑхсӑр, сывлӑхпа сиплев, ҫул-йӗр, хӑнасене вырнаҫтармалли, ҫуртсене хатӗрлесе ҫитересси, суввенирлӑ япаласем хатӗрлесси ыйтӑвӗсене пӑхса тухрӗҫ. Президент Кубока ирттерме хатӗрлекен мероприятисене чи ҫӳллӗ шайра тумаллине палӑртса хӑварчӗ. Геннадий Фёдоров Раҫҫей Федерацийӗн президенчӗ ҫумӗнчи полномочиллӗ представителӗ ҫакна пӗлтерчӗ — Мускавра пур хӑнасене те чӑваш тумӗсене тӑхӑннӑ студентсем кӗтсе илӗҫ. Ҫавӑн пекех Мускав тӗпне (центрне) Кубок логотипӗсемпе ерешлесе тухӗҫ.

Наталья Володина пӗлтернӗ тӑрӑх Кубока уҫма 4650 ҫын хутшӑнӗ. Вӗсем шутӗнче професиллӗ артистсем, пултарулӑх ушкӑнӗсем, спортсменсем пулӗҫ. Спутник ҫыхӑнӑвне йӗркелени пирки те сӑмах хушрӗҫ.

Ҫапла май Н. Фёдоров Кубока хатӗррине палӑртрӗ.

Хыпар ҫӑлкуҫӗ

#Тӗнче кубокӗ-2008, #Мускав, #спорт, #мероприятисем