Чӑваш Енри писательсен союзӗн страницинчен илнӗ сӑнӳкерчӗк

Чӳк уйӑхӗн 11-мӗшӗнче Чӑваш патшалӑх истори архивӗнче «С пером и оружием» (чӑв. Калемпа тата хӗҫпӑшалпа) куҫса ҫӳрекен документлӑ курав уҫӑлнӑ. Экспозицие Аслӑ Ҫӗнтерӗве 80 ҫул ҫитнине халалланӑ.

Куравра Петӗр Хусанкай, Ухсай Яккӑвӗ, Леонид Агаков, Илпек Микулайӗ, Василий Алагер, Василий Алентей, Александр Алга, Алексей Талвир ҫыравҫӑсен тата Василий Долгов литературовед пурнӑҫӗпе паллашма пулать. Унсӑр пуҫне Николай Юманкай, Генрих Катрамов, Николай Горшков, Семен Елем тата Константин Энзер ҫамрӑк поэтсем ҫинчен каласа кӑтартнӑ.

#культура, #куравсем, #архивсем, #писательсем