forum.na-svyazi.ru сайтра вырнаҫтарнӑ сӑнӳкерчӗк

Юпа уйӑхӗн 14-мӗшӗнче ҫӗрле пирӗн республикӑра Узбекистан номерӗллӗ автобуса тытса чарнӑ.

А-151 автоҫулпа пыракан транспортра 50 ҫын ларса пынӑ, вӗсем Узбекистанран тата Таджикстанран килнӗскерсем пулнӑ. Автобус Мускавран тӑван ҫӗршыва кайма тухнӑ иккен. Салонта пулнисенчен ҫиччӗшӗн пирӗн ҫӗршывра пулма ирӗк паракан документсем пулман.

Саккуна пӑсса пирӗн ҫӗршывра пурӑннисем тӗлӗшпе административлӑ ӗҫ пуҫарнӑ.

Автобуса йӗрке хуралҫисем чикӗ леш енне каҫса кайичченех сӑнаса пынӑ.

Автобус водительне вара йӗркене пӑсса пирӗн ҫӗршыва килнӗ ҫынсене турттарса ҫӳренӗшӗн явап тыттарма йышӑннӑ.

#пӑтӑрмахсем, #Узбекистан, #Таджикистан, #йӗрке хуралҫисем, #ҫул-йӗр, #яваплӑх