Шупашкарти Хӗвелтухӑҫ урамӗнчи 13-мӗш ҫурт тӑррин парапечӗ йӑтӑнса аннӑ. Ку инкек ӗнер кӑнтӑрла иртнӗ хыҫҫӑн пулнӑ. Ӗнер ҫил те вӑйлӑ пулнӑ. Ку унпа ҫыхӑннӑ-и е ҫук-и - специалистсем уҫӑмлатӗҫ.

Парапет подъезд умӗнче ларакан икӗ машина ҫине ӳкнӗ. Иккӗшӗ те вӑйлах сиенленнӗ. Ҫав вӑхӑтра ҫын утса пынӑ, вӑл чутах инкеке лекмен.

Халӗ прокуратура тӗрӗслев ирттерет.

#пӑтӑрмахсем, #Шупашкар, #прокуратура