ЧР Ҫутҫанталӑк министерствин тата химипе бактериологи лабораторийӗн ӗҫченӗсем Ҫӗнӗ Шупашкар ҫывӑхӗнче Ҫавал тата Ӑшӑ юханшывӗсене тӗрӗсленӗ. Сӑлтавӗ те пулнӑ. Шыв ҫинче ҫу евӗр хура шӗвек пулнине асӑрханӑ. Унран шӑршӑ кӗнӗ.
Лаборатори тӗпчевӗ Ҫавалта нефтепродуктсен норми 156 хут нумайрах пулнине палӑртнӑ. Вырӑна ШӖМ ӗҫченӗсене чӗнсе илнӗ. Вӗсем факта ҫирӗплетнӗ. Ӗҫ-пуҫа малалла тӗпчеҫҫӗ.