«Мы из Чувашии«» пабликран илнӗ сӑнӳкерчӗк

Улатӑрта ӳтпе венерологи диспсансерӗ хупӑннӑ. Ҫуртӑн алӑкӗ ҫине вӑл ӗҫлеменни пирки пӗлтерӳ ҫакса хунӑ иккен. Ҫынсен е Ҫӗмӗрлене, е Шупашкара каймалла-мӗн.

«Мы из Чувашии» пабликра тӑрӑхласа ҫырнӑ тӑрӑх, ҫынсем ҫавӑншӑн кама тав тумаллине пӗлмеҫҫӗ: те республика Элтеперне Николаева, те сывлӑх сыхлав министрне Степанова.

«Тен, вӗсен, тӳре-шаран, хӑйсен Улатӑртан Ҫӗмӗрлене е Шупашкара общество транспорчӗпе кайса килсе пӑхмалла», — тесе ҫырнӑ маларах асӑннӑ пабликра.

#Шупашкар, #Ҫӗмӗрле, #Улатӑр, #сывлӑх, #тухтӑрсем