drama21.ru сӑнӳкерчӗкӗ

К.В. Иванов ячӗллӗ Чӑваш патшалӑх академи драма театрӗн режиссёрӗ, художник-постановщикӗ, актёрӗ президент пулӗ.

Асӑннӑ театрта ҫавӑн пек должноҫа ҫирӗплетесси пирки ӗнер юбилей каҫӗнче пӗлтерчӗҫ. Кун пирки Чӑваш Ен Элтеперӗн Олег Николаевӑн вырӑсла саламне республикӑн вице-премьерӗ — ял хуҫалӑх министрӗ Сергей Артамонов юбиляр патне ҫитернӗ чухне палӑртса хӑварнӑ.

«Чӑваш патшалӑх академи драма театрӗн президенчӗн ҫӗнӗ должноҫне ҫирӗплетме сӗнетӗп», — тесе ҫырнӑ Олег Николаев халӑх тетелӗнчи хӑйӗн страницинче те. Республика ертӳҫи палӑртса хӑварнӑ тӑрӑх, Валерий Яковлев кун пек чыса чӑваш театр ӳнерӗнче нумай ҫул тӑрӑшса ӗҫленипе тивӗҫнӗ.

#ят-сум, #чӑвашлӑх, #юбилейсем, #театр, #режиссерсем, #артистсем