К.В.Иванов ячӗллӗ Чӑваш патшалӑх академи драма театрӗнче 63 ҫул тӑрӑшнӑ Нина Григорьева ӗҫлеме пӑрахнӑ.
Ҫӗрпӳ районӗнче ҫуралнӑ Нина Ильинична ачаранпах театра юратнӑ. Мускаври театр институтӗнчен вӗренсе килсен Чӑваш патшалӑх академи драма театрӗнче тимлесе тытӑннӑ та тӳрех халӑх юратакан артист пулса тӑнӑ. Пулас мӑшӑрӗпе, тӑван район каччине, хӑйӗнчен пӗр ҫул кӗҫӗнрех Николай Даниловичпа, театр институтӗнче паллашнӑ. Унта вӗсене Ромеопа Джульеттӑна выляттарнӑ. Ҫавӑн пек туслашса кайнӑ та чипер хӗрпе хитре каччӑ.
Иртнӗ эрнере Нина Ильинична театртан пӑрахма заявлени ҫынса панӑ. Николай Данилович вара ӗҫӗнчен (вӑл пулас актёрсем сцена ӑсталӑхне вӗренрсе пурӑннӑ) ҫур ҫул каярах кайнӑ.