Паян кӑшт сивӗрех, типӗ ҫанталӑк пирӗн пата килме тытӑнчӗ. Анчах синоптиксем пӗлтернӗ тӑрӑх, ҫулла тепӗр эрнене яхӑн тытӑнса тӑрӗ – кӑнтӑрласерен 22-27 градус ӑшӑ пулӗ. Каҫсерен вара кӑштах сивӗрех пулӗ: 8-13 градус.

Ахӑртнех, ҫуллахи пек ҫанталӑк авӑнӑн 20-21-мӗшӗсенче вӗҫленӗ. Ҫитес эрнере кӗҫнерникун ҫумӑр ҫунӑ хыҫҫӑн кӑштах сивӗтӗ. Эрнен иккӗмӗш ҫурринче ҫил ҫурҫӗр енне куҫӗ, 20 градусран ӑшӑрах пулмӗ, ҫӗрле – 6 градус кӑна.

Ҫапах пӗтӗмӗшле илсен, кӑҫал авӑн уйӑхӗн ӑшӑ тата типӗ пулӗ.

#ҫутҫанталӑк, #синоптиксем