Ҫӗнӗ Шупашкарта ҫуралнӑ, Раҫҫейри паллӑ актер пулса тӑнӑ ентеше ЧР Элтеперӗ ЧР тава тивӗҫлӗ артисчӗн ятне панӑ. Сӑмах — Анатолий Гущин пирки. Хушӑва ҫурлан 16-мӗшӗнче алӑ пуснӑ.

47-ри актер халӗ Мускавра пурӑнать. Хӑй вӑхӑтӗнче вӑл спутник хулари 10-мӗш шкулта вӗреннӗ, унтан Мускаври Щепкин ячӗллӗ аслӑ театр училищине кӗнӗ. Нумайӑшӗ ӑна 8 сериллӗ «Приключения солдата Ивана Чонкина» камит фильмӗ тӑрӑх пӗлет. Вӑл унта пӗр кадрта чӑвашла та юрлать.

#Ҫӗнӗ Шупашкар, #Мускав, #актерсем