Кандинский нейросеть сӑнӳкерчӗкӗ

Улатӑр хулинче ҫӳп-ҫапа вӑхӑтра турттарман. Ӗҫе пурнӑҫлассишӗн «Экополис» организаци яваплӑ пулнӑ.

Вырӑнти прокуратура пӗлтернӗ тӑрӑх, нумай хваттерлӗ ҫуртсен умӗнчи ҫӳп-ҫап контейнерӗсем тулса кайсан та вӗсене вӑхӑтра илсе кайса пушатман.

Улатӑрти йӑлари хытӑ каяша турттарма «Ситиматик Чувашия» организаци «Экополис» обществӑпа килӗшӳ тунӑ. Прокуратура ҫӗртме уйӑхӗн 8 тата 10-мӗшӗсенче тӗрӗслев ирттернӗ те хулари Киров урамӗнчи контейнерсене вӑхӑтра пушатманнине асӑрханӑ.

Яваплӑ организаци пуҫлӑхӗн тӗлӗшпе административлӑ ӗҫ пуҫарнӑ.

#Улатӑр, #тӗрӗслевсем, #прокуратура, #яваплӑх, #ҫӳп-ҫап