chuvdram.ru сайтран илнӗ сӑнӳкерчӗк

Калмӑк Республикин тӗп хулинчи, Элистӑри, Б. Басангов ячӗллӗ наци драма театрӗ ҫу уйӑхӗн 23-мӗшӗнче Чӑваш академи драма театрӗн сцени ҫине тухӗ. Гастрольпе килекен артистсем чӑваш сцени ҫине вырӑс классикӗн Александр Грибоедовӑн «Горе от ума» пьесине кӑтартӗҫ.

Писатель асӑннӑ хайлава 200 ҫул каялла, 1824 ҫулта, ҫырнӑ. Спектакле Раҫҫей, Калмӑк тата Тыва республикисен искусствӑсен тава тивӗҫлӗ ӗҫченӗ Борис Манджиев лартнӑ. Вӑл шухӑшланӑ тӑрӑх, пьеса паян та актуаллӑ.

Артистсем Шупашкара ҫу уйӑхӗн 23-мӗшӗнче килӗҫ.

#артистсем, #спектакльсем, #театрсем, #Калмӑк Республики