chuvbook.ru сӑнӳкерчӗкӗ

Нумаях пулмасть Чӑваш кӗнеке издательствинче «Заповедные места Чувашии. Чӑваш Енри управ вырӑнсем» ятлӑ кӗнеке кун ҫути курнӑ. Унӑн авторӗ – Ольга Васильева, ӳнерҫи – Юлия Лутошкина. Издательствӑра пӗлтернӗ тӑрӑх, кӗнекене вырӑсла тата чӑвашла хатӗрленӗ, вӑл кутӑн-пуҫӑн ҫавӑрса вуламаллискер.

«Ҫулҫӳрев «Чӑваш вӑрманӗ» наци паркӗнчен пуҫланать, унтан чӗрчунсем «Сӑрьен» ҫутҫанталӑк заповедникне ҫитеҫҫӗ. Вӗсене Атӑл карӑкӗ кӗтсе илет.

Ун хыҫҫӑн ҫулҫӳревҫӗсем республикӑри чылай заказникра пулса кураҫҫӗ, унти чӗрчунсемпе паллашаҫҫӗ, курӑк-чечек курса тӗлӗнеҫҫӗ. Кӗнекере пӗлтерӗшлӗ информацие тӗрлӗ тӗспе ҫырса кӑтартнӑ. Сыпӑк вӗҫӗнче вара пӗр-пӗр ӗҫ пурнӑҫламалла», — хыпарланӑ Чӑваш кӗнеке издательствинче.

#Чӑваш кӗнеке издательстви, #кӗнекесем, #культура