git21.rostrud.gov.ru сӑнӳкерчӗкӗ

Ҫӗнӗ Шупашкарта рабочи аманнӑ.

Пӑтӑрмах кӑрлач уйӑхӗн 29-мӗшӗнче 15 сехет те 10 минутра «Ҫӗнӗ Шупашкарти коммуналлӑ сеть» муниципалитетӑн унитарлӑ предприятийӗнче пулнӑ.

Малтанласа палӑртнӑ тӑрӑх, слесарь юр тасатма кансӗрлекен бетон блока куҫарма тӑнӑ. Блок арҫыннӑн ури ҫине ӳкнӗ. Шар курнине ӗҫтешӗсем пирвайхи пулӑшу кӳнӗ хыҫҫӑн васкавлӑ пулӑшу тухтӑрӗсене чӗнсе илнӗ. Рабочие пульницӑна ӑсатнӑ.

#Ҫӗнӗ Шупашкар, #техника, #сывлӑх, #инкексем, #пӑтӑрмахсем, #тӗрӗслевсем