vk.com сайтри сӑн

Улатӑр районӗн пульницине вӑрах вӑхӑт эрех ӗҫсе пурӑннӑ пациента илсе килнӗ. Вӑл панкреатитпа аптӑраса ӳкнӗ.

Хирурги уйрӑмӗнче темиҫе кун сипленнӗ хыҫҫӑн унӑн «белая горячка» пуҫланнӑ. Арҫын малтан палатӑри кӳрши ҫине сиксе ӳкнӗ, унтан кашӑк ярса тытнӑ та ӑна хӑйӗн куҫне чикнӗ. Кун хыҫҫӑн тӑнсӑр кайса ӳкнӗ.

Республикӑри клиника пульницинчен часрах нейрохирург чӗнсе илнӗ. Вӑл ҫитиччен пацента рентген, компьютер томографийӗ тунӑ.

Тухтӑрсем арҫыннӑн пурнӑҫне кӑна мар, тепӗр куҫне те сыхласа хӑварнӑ. Унӑн пӗр пайӗн парализаци пулнӑ. Халӗ вӑл реабилитаци тухать.

#Улатӑр районӗ, #пульницӑсем, #эрех