vk.com/chuv_kray сайтри сӑн

Канаш муниципаллӑ округӗнчи Ҫӗнӗ Мами ялӗнче ҫуралнӑ Анастасия Федорова 102 ҫул тултарнӑ.

Анастасия Никитична Тӑван ҫӗршывӑн Аслӑ вӑрҫи вӑхӑтӗнче Хусан хӳтӗлев чиккине чавнӑ, Иваново облаҫӗнче торф кӑларнӑ, вӑрман касма та кайнӑ. 1951 ҫулта вӑл качча тухнӑ, мӑшӑрӗпе тӑватӑ хӗр ӳстернӗ. Халӗ кинемей мӑнукӗн ҫемйипе пурӑнать. Вӑл – ӗҫ ветеранӗ, тыл ӗҫченӗ. Анастасия Никитична шкул пӗтерсен ӗмӗр тӑршшӗпех «Ворошилов» колхозра ӗҫленӗ.

#Ҫӗнӗ Мами, #Канаш районӗ, #ваттисем