Инкеклӗ лару-тӑру министерстви тунӑ сӑн

Ӗнер 11 сехет тӗлнелле Йӗпреҫ муниципаллӑ округӗнчи Пӑкӑян поселокӗнче агрофирма территоринче пушар тухнӑ. Сӗт цехне, пӗтӗмпе 150 тӑваткал метра, ҫулӑм ярса илнӗ.

Пушара виҫӗ техникӑпа 50 минутран сӳнтернӗ. Унта цех тӑрри тата шыв ӑшӑтмалли хатӗр ҫуннӑ. Юрать-ха, ҫулӑма кӳршӗ ҫурт ҫине куҫма паман. Пушар вӑхӑтӗнче мӑйракаллӑ 50 ытла шултра выльӑха эвакуациленӗ.

#пӑтӑрмахсем, #Йӗпреҫ районӗ, #Пӑкӑян, #пушарсем, #ӗнесем