21.мвд.рф сӑнӳкерчӗкӗ

Ҫӗнӗ Шупашкарта пурӑнакан кинемей хӑйӗн банк карттипе такам тавар туяннине сиснӗ. Хӗрарӑм ҫухалса кайман — ҫийӗнчех йӗрке хуралҫисенчен пулӑшу ыйтнӑ.

Пӑтӑрмах пирки кинемей пакунлисене юпа уйӑхӗн 2-мӗшӗнче каҫхине хыпарланӑ.

Хулари патрульпе пост службин ӗҫченӗсем Артем Петров, Иван Кочетов тата Ксения Васильева стажёр такамсем тавара хӑш лавккара туяннине палӑртнӑ хыҫҫӑн ют ҫын карттипе усӑ куракан патне ҫул тытнӑ.

37 ҫулти хӗрарӑм лавккасенче ҫыннӑн банк карттипе 3 пин тенкӗ ытлалӑх тавар туяннӑ иккен.

Хӗрарӑм тӗлӗшпе РФ Пуҫиле кодексӗн 158-мӗш статйин 3-мӗш пайӗпе килӗшӳллӗн ӗҫ пуҫарнӑ.

#пӑтӑрмахсем, #ваттисем, #Ҫӗнӗ Шупашкар