chuvashia.sledcom.ru сӑнӳкерчӗкӗ

Шупашкарти 38 ҫулти хӗрарӑм хӑйӗн хӗрне хӗнесе пурӑннӑ, амӑшӗн тивӗҫне вара йӗркеллӗ пурнӑҫламан. Хӗрарӑм тӗлӗшпе халӗ пуҫиле ӗҫ пуҫарнӑ.

Эгер бульварӗнче пурӑнакан хӗрарӑм кӑҫалхи нарӑс уйӑхӗнчен тытӑнса утӑ уйӑхӗччен 16 ҫулти хӗрне пӗрмай хӗненӗ: аллипе пуҫӗнчен тата ытти вырӑнтан ҫапнӑ, шӑлавар пиҫиххийӗпе те хӗненӗ.

Ҫемьере хӗрарӑмӑн тата тепӗр икӗ ача ӳсет иккен. Вӗсем — 14 тата 15 ҫулсенчи ачасем. Ҫемье ҫул ҫитменнисемпе ӗҫлекен комиссире учётра тӑнӑ.

Тӗпчевҫӗсем профилактика тытӑмӗнче ӗҫлекенсем хӑйсен тивӗҫне епле пурнӑҫланипе те кӑсӑкланӗҫ.

#пӑтӑмахсем, #ҫемьесем, #ачасем, #пуҫиле ӗҫсем, #Шупашкар