chuvbook.ru сӑнӳкерчӗкӗ

Пултаруллӑ ачасен «Эткер» центрӗнче канакан ачасемпе Чӑваш кӗнеке издательствин тӗп редакторӗн заместителӗ Ольга Федорова тӗл пулнӑ. Вӑл унта ҫурла уйӑхӗн 13 тата 14-мӗшӗсенче пулнӑ май «Как рождается книга» (чӑв. Кӗнеке епле ҫуралать) ӑсталӑх лаҫҫи ирттернӗ.

Ачасене хӑна кӗнеке издательствин ӗҫӗ-хӗлӗпе паллаштаракан видеосюжет кӑтартнӑ. Кайран вӑл вӗсене писатель, художник тата издатель евӗр пулса пӑхма сӗннӗ. Пӗр сехетре ачасен пысӑках мар хайлав ҫырса ӑна илемлетме тата пысӑках мар кӗнеке евӗр хатӗрлеме тивнӗ.

#кану, #Эткер, #Кӗнеке издательстви, #ӑсталӑх, #ачасем, #пултарулӑх