Хӑҫан ӑшӑтать? Синоптиксем мӗн калаҫҫӗ? Хальлӗхе ҫӗрлесерен самай сивӗ, кӑнтӑрла вара кӑшт ӑшӑтать.

Ыран 2 градус сивӗрен пуҫласа 3 градус таран ӑшӑ пулӗ. Вырсарникун та ҫаплах пулӗ, анчах ҫил вӑйланӗ. Пӗр талӑкра 5-7 сантиметр хулӑнӑш юр ҫума пултарать.

Тунтикун ытлах юр ҫумӗ, кӑштах сивӗтӗ. Вӑйлӑрах ҫиле пула та сивӗ пек туйӑнӗ. Пушӑн 7-8-мӗшӗсенче те сивӗрех пулӗ, юр ҫумӗ.

Эрнен иккӗмӗш ҫурринче ҫил вӑйланӗ, пушӑн 9-мӗшӗнче кӑна юр ҫӑвӗ. Кӑнтӑрласерен ӑшӑтӗ, ҫӗрлесерен вара сивӗрех пулӗ.

Малтанлӑха пӗлтернӗ тӑрӑх, уйӑх варринче кӑна ӑшӑтӗ. Пушӑн 15-мӗшӗнче 10 градус таран ӑшӑтма пултарать.

#синоптиксем, #ҫутҫанталӑк