Паян Шупашкарти Эгер бульварӗнчи 22-мӗш ҫуртра пушар пулнине пӗлтернӗччӗ. Аса илтерер: 10 сехет те 15 минутра 8-мӗш хутри хваттерте тӗтӗм тухни пирки пушарнӑйсене пӗлтернӗ. 10 сехет те 58 минутра пушара алхасма чарнӑ.

Пушарнӑйсем ҫитиччен коридорта тӗтӗм сарӑлнӑ. Ҫынсене ятарлӑ пусмапа эвакуциленӗ. Пӗтӗмпе – 10 ҫынна, вӗсен йышӗнче 2-шӗ – ачасем.

Ҫуннӑ хваттерте 1949 ҫулта ҫуралнӑ хӗрарӑм пурӑннӑ. Вӑл вилнӗ. Малтанлӑха пӗлтернӗ тӑрӑх, тӗтӗмпе наркӑмӑшланнӑ. Специалистсем хальлӗхе шутланӑ тӑрӑх, ҫулӑм электропралука пула тухнӑ.

#пушарсем, #пӑтӑрмахсем, #Шупашкар