Ӗнер, кӑрлач уйӑхӗн 22-мӗшӗнче, 19 сехет ҫурӑра М-7 автоҫулӑн 601-мӗш ҫухрӑмӗнче авари пулнӑ. Шел те, унта ҫынсен пурнӑҫӗ татӑлнӑ. Кун пирки ҪҪХПИ пӗлтерет.

Авари Етӗрне районӗнчи Урпаш ялӗ ҫывӑхӗнче пулнӑ. Малтанлӑха пӗлтернӗ тӑрӑх, «Гранта» транспорт хирӗҫ килекен ҫул ҫине тухса кайнӑ та йывӑр тиевлӗ икӗ машинӑпа ҫапӑннӑ. Аварире виҫӗ ҫыннӑн пурнӑҫӗ татӑлнӑ: ҫӑмӑл машина водителӗ тата унти икӗ пассажир. Пӗри ача пулнӑ.

#пӑтӑрмахсем, #Етӗрне районӗ, #Урпаш, #ҫул-йӗр, #ачасем