aerocheb.ru сӑнӳкерчӗкӗ

«ИрАэро» авиакомпани Шупашкартан пассажирсене ҫӗршывӑн тӗрлӗ хулине турттарма тытӑннӑ. Ҫапла вара асӑннӑ авиакомпани самолёчӗсемпе пирӗн республикӑран Краснодар, Минеральные Воды, Ҫӗнӗ Уренгой тата Дон ҫинчи Ростов хулисене ҫитме пулать.

Ҫула «Sukhoi Superjet 100» суперджетсем тухаҫҫӗ. Ҫӗнӗ Уренгойран самолёт эрнекун вӗҫсе килет. Вӑл унтан 12 сехетре хускалать, кунта 16 сехет те 50 минутра ҫитет. Краснодара пирӗн республикӑн тӗп хулинчен эрнекунсерен 17 сехет те 50 минутра тухса каять, 19 сехет те 50 минута ҫитерет.

Краснодартан Шупашкара шӑматкунсерен килме пулать. Унтан суперджет 7 сехет те 25 минутра ҫула тухса Шупашкара 9 сехет те 35 минутра ҫитерет. Ҫав кунах самолёт Дон ҫинчи Ростов хулине 11 сехетре вӗҫсе каять, унта 13 сехете ҫитет те каялла килме 14 сехетре тухать. Дон ҫинчи Ростоври пассажирсем Шупашкара 16 сехете ҫитеҫҫӗ. 17 сехетре самолёт кунтан Минеральные Воды хулине вӗҫсе каять, унта 2 сехетрен ҫитерет.

Минеральные Воды хулинчен Шупашкара самолётпа вырсарникунсерен килме пулать. Унтан самолёт 7 сехет те 40 минутра хускалса 9 сехет те 40 минута ҫитерет. Ҫав кунах самолётпа Ҫӗнӗ Уренгоя тухса кайма пулать. Кунтан 10 сехет те 40 минутра хускалса унта 16 сехет те 30 минутра ҫитерет.

Расписание асӑннӑ хуласенчи вӑхӑтпа кӑтартнӑ.

#самолетсем, #ҫул-йӗр, #авиакомпанисем, #аэропорт, #Шупашкар, #Краснодар, #Минеральные Воды, #Ҫӗнӗ Уренгой, #Дон ҫинчи Ростов