Сайта кӗр | Регистраци | Сайта кӗрсен унпа туллин усӑ курма пулӗ
 -8.7 °C
Ватӑ ҫерҫие хывӑхпа улталаймӑн.
[ваттисен сӑмахӗ]
 

Чӑвашлӑх: Колхоз ӗҫченӗсен паттӑрлӑхне чысласа палӑк лартасчӗ!

Сутатӑп "Ваттисен чавашла-вырăсла сăмахĕсемпе каларăшсем", иккĕмĕш кăларăм, ав...
Паллашу Чӑваш чӗлхине якатас тӗллевпе Чӗмпӗрте пурӑнакан, ман ҫулсӗне ҫывӑх ҫынсемпе пал...
Туянатӑп Ашмаринӑн 17 том куҫару кӗнекисене шыратӑп.
Николай Адер 09.11.2021 12:06 | 985 хут пӑхнӑ
Харпӑр шухӑш Чӑвашлӑх

Иртрӗ чӑваш нацин конгресӗн тӑватӑ ҫулта пӗрре шавласа илекен Аслӑ Пуху кунӗ. Халлӗхе асрах-ха тӗлпулусем, калаҫусем. Паллах, ку пуху пирӗншӗн черетлӗ событи пуласса шаннӑччӗ. Пухӑва хатӗрлекеннисен ӑш пиҫрӗ пуль чупа-чупа… Ялтисем патнех хускатнӑ хумсем ҫитеймен, хӑш-пӗрисем ҫеҫ хӑрах хӑлхипе темӗскер илтнӗ пек, ЧНК мӗне пӗлтернине чылайӑшӗ маннӑ та.

Эпӗ хам ял музейӗсен ячӗпе делегата суйланнӑран самаях хӑшкӑлтӑм ҫак тапхӑрта: килнӗ хӑнасене кӑтартма «СССР музейӗн» выстӑвкине йӗркелерӗм, хам утарҫӑ пулнӑран чи тутлӑ чӑваш пылне те илсе килтӗм… Кӗтнӗ пекех чылайӑшӗ экспонатсем патне пырса тӗлӗнчӗҫ, савӑнчӗҫ. Анчах та пуҫлӑхсем ҫав кун чӑвашсемпе, Шупашкар хулипе ҫыхӑннӑ экспонатсене курми пулчӗҫ, иртсе кайрӗҫ ҫуммипе. Культура министрӗ те виҫӗ утӑм туса пырса пӑхмарӗ, интересленмерӗ, тӑрӑшакансене сӑмахпа та пулин йӑпатмарӗ.

Пӗр-ик кун маларах чӑвашсен, Виталий Петрович Станьял никӗсленӗ ваттисен канашӗн «халӑх хуралӗн» председательне мана суйларӗҫ. Килӗшме тиврӗ. Ҫак витӗме те вырӑна хурса ҫыратӑп та ҫак ҫырура курни-илтнине, хамӑн сӗнӳсене.

Пӗтӗмӗшле Аслӑ Пуху ӗҫӗ нумайӑшне килӗшмерӗ-мӗн. Мана та. Паянхи пурнӑҫӑн киревсӗрлӗхӗсене уҫҫӑн калани питӗ сахал пулчӗ. Критикӑсӑр «эволюци» те тапранмӗ, пусмӑр ҫеҫ ҫӗнтерсе пырӗ чӗмсӗрсене.

Акӑ, сцена ҫинчи президиумра ЧНК хастарӗсене вырӑн паманни мана тӗлӗнтерчӗ. «Туй генералӗсене» залра хисеплӗ пӗрремӗш рете, халӑх хушшине лартса, умне сӗтел, хут-кӑранташ тыттармалаччӗ. Тен, ҫырса пырӑччӗҫ хӑть-те мӗн илтнине...

Мӗнпе палӑрса тӑрать-ха ҫак чи сумлӑ обществӑллӑ пӗрлешӳ ыттисен хушшинче? Ман шутпа, нимпе те.

Чӑннипех, халӑха малалла туртакан, пурӑнма хал паракан йышӑну-ӗҫсем курӑнмаҫҫӗ. ЧНК пуҫарнӑ текен ӗҫсене те депутатсемпе шалу ҫинче ларакан пиншер чӑваш чиновникӗсен тумалла мар-и?

Сценари тӑрӑх, Аслӑ Пухӑвӑн тӗп тӗллевӗ чӑваш чӗлхине ҫамрӑксене вӗрӗнтесси ҫинчен пулмалаччӗ. Темшӗн курӑнмарӗ кунта вӗрентӳ министрӗ…

Тӗп ыйтӑва та шкулсенче чӑваш чӗлхин урокӗсене вӗренме сехет калӑпӑшӗсем чакни пирки учительсем пӑлханкаларӗҫ. Тӗрӗс сӗнӳсем те пачӗҫ. Ман шутпа та мӗнле чӗлхесене вӗрентессине шкул е класс шайӗнчи ашшӗ-амӑшӗн пухӑвӗсенче йышӑнни пачах тӗрӗс мар – ку ыйтӑва наци правительствинчех йышӑнмалла!

Чӑвашла вулакан-ҫыракансен шучӗ, чӑвашсен шучӗ чаксах пынин тӗп сӑлтавӗсене асӑнса тишкермерӗҫ. Сӑмахран, Чӑваш Патшалӑх Канашӗ 1994 ҫулта вӑрттӑн тенӗ пек васкаса йышӑннӑ сӑмахсене пайласа ҫыртаракан пӑсӑк орфографин чӑрмавӗсем ҫинчен те. Ку мӑшкӑл «реформӑна» пӑрахӑҫласа, ун вырӑнне анлӑн, тӗплӗн ҫӗнетнӗ ҫыруллӑх правилисене йышӑнмалла.

Ҫак ӗҫе вунтӑхӑр ҫулхи ҫӗр виҫекен пулса ӗҫленӗ Ваня Яковлев пек ҫамрӑксене пуҫӑнма сӗнетӗп.

Паянхи ҫырулӑхӑн ҫитменлӗхӗсем чылай. Ҫавӑн пиркиех чӑвашла тухакан хаҫатсене халӑх вуласшӑн мар, ачисем вара вӗренесшӗн мар. Кӗскен каласан, чӑваш орфографине калаҫнӑ пекех ҫырмалла, ӑна тӳрлетмеллех! Вӑраха ямасӑр, уйӑх ячӗсене малтанхиллех, вырӑслах ҫырма пуҫламалла.

Вырӑсла сӑмахсене чӑвашлаттарса ҫырни чӑрмав ҫеҫ кӳреть. Тӗслӗхрен, паллӑ чӑваш хаҫатӗнче пичетленнӗ «ҪҪХПИ ӗҫченӗ» (43 №) сӑмахсене вуласа ӑнланма ҫук. Тӗшмӗшлӗхрен хӑтӑлмалла. Аваллӑха упрас тесе ҫӑпата сырас марччӗ…

Пирӗн чӗлхен сӑмах паллисем вырӑс ҫыруллӑхӗнчен илнӗскерсем. Чылай сӑмахсем пӗр пек илтӗнни-ҫырӑнни эпир тӑванланнӑ халӑхсем пулнине ҫирӗплететь. Вырӑс чӗлхине хисепе хурса ЧНК ҫурчӗн ҫамки ҫинчен акӑлчанла «зе чуваш нэйшэнэл конгрэсс» вӗҫкӗнле ҫырнӑ сӑмахсене хӑйпӑтса вӗсен вырӑнне вырӑсла сӑмахсене ҫаптармалла!

«Чӑвашлӑхран ҫӑлакан» пакӑлтисене итлесе, намӑсланса хыҫҫӑн кайни наци пӗрлӗхне хавшатать, аталанма чарать. Сӑмахран, пире, чӑвашсене «сувар-булгар» идейӗсемпе сӗрӗмлетни те… Иртнӗ ҫыравра эпӗ те ҫакна пула хама «сувар» наци шутне кӗртнӗччӗ, кӑҫал вара эпӗ чӑвашах юлтӑм. Куншӑн Евгений Школьникова тав тӑвас килеть. Конгресс аппарачӗ, президиумӗ асӑннӑ тавлашусене палӑртса ытти обществӑлла ушкӑнсемпе, патшалӑх институчӗсемпе пӗрле «ҫавра сӗтел» пухса ку ӗҫе пуҫӑнса хирӗҫӳсене пӗтермелле. Тӗрӗссипе, ытарлӑ каласан, нумай халӑх чӑвашсенчен пуҫланнӑ…

Конгресс гимнӗ ҫинчен. Вӑтӑр ҫул пухусене пуҫлас умӗн «Алран кайми аки-сухи» юррине хурланса юрларӑмӑр. Йӗтӗмӗр те пуль тепӗр чух куллянса… Анчах та юрӑ сӑмахӗсем, кӗвви те чуна ҫунатласа паттӑрлӑ ӗҫсем тума йыхӑрмасть пире. Ман шутпа, ку чуна тивекен ӗҫкӗ-ҫикӗ юрри кӗрекере юрлама вырӑнлӑ. Паян чӑвашсен аки те, сухи те ҫук. Пӑрахнӑ ку йывӑр ӗҫе ял ҫынни, хӑтӑлнӑ тинех «йывӑр пурнӑҫран»…Тӗрӗссипе, пӑрахтарнӑ хресчене ҫӗр ҫинче ӗҫлеме паянхи влаҫ самани. Ҫӗнӗ гимн кирлех, халлӗхе республика гимнӗ вырӑнлӑрах.

Тата акӗ мӗн пуҫран тухмасть, пуху пуҫламӑшне аса илсе. Авалхи йӑлапа, сумлӑ ӗҫ тӑвас умӗн ватӑсем халӑх умне тухса пил панӑ, ҫул-тӗллев кӑтартнӑ, сӑмахпа хавхалантарнӑ. Ҫав кун та конгресс йӑлипе сакӑрвуннӑри паллӑ режиссер Валерий Николаевич Яковлев ваттисен ячӗпе пуҫтарӑннӑ делегатсене саламласа пил пачӗ, ҫапла ӑс пачӗ: «…тӑшман умӗнче пуҫа усӑр, уснӑ пуҫа хӗҫ касмасть!». Залра ларакан халӑхшӑн кӗрешме хатӗр хастарсем пӗр самант шӑпланчӗҫ те…

Олег Николаев пуҫарӑвӗпе вӑрҫӑ вӑхӑтӗнче Сӑр хӗррипе тата Куславка патӗнче окоп чавнӑ ҫынсене асӑннӑ палӑк лартни, йывӑрлӑха чӑтнӑ пиншер ҫынӑн сӑнарӗсене чӗртни халӑхра сӳнсе пыракан патриотизма пӗтме чарӗ мӗн.

Кун пек тарӑн шухӑшлӑ ҫӗнӗ сӗнӳсене ырламаллах, тӗслӗхсене малашне те шырамалла, чарӑнмалла мар. Ҫапах та ҫӗнӗ палӑксен проекчӗсене вырӑнти халӑхпа канашласа, чунра тишкерсе суйламалла. Вӗсен сӑнӗ, архитектури, лартнӑ вырӑнӗ те чуна килӗшмелле пулччӑр. Усси те пултӑр кулленхи пурнӑҫра тытса тӑракан тӑкаксене саплаштарма. Сӑмахран, Америкӑри Ирӗклӗх статуйи тӑрринче ресторан вырнаҫтарнӑ…

Тен, Олег Алексеевич шутланӑ та пуль иртнӗ вӑрҫӑра ҫӗнтерӳне ырми-канми туптанӑ колхоз хресченӗсене асӑнса мӑнаҫлӑ тепӗр палӑк хӑпартасси ҫинчен. «Колхозниксем, колхозсем пулман пулсан эпир тӑшмана ҫӗнтерейместӗмӗрччӗ!», - тесе ҫирӗплетрӗ Тури Кӑмаша ялӗнчи пухура тӑватӑ орден кавалерӗ, вӑрҫӑ ветеранӗ Николай Акимович Тувалькин полковник.

Вӑрҫӑ тапхӗрӗнче анчах мар, ҫӗнтерсен те ял ҫыннисем тата вунӑ ҫул ытла муритленсе пӗтӗм ӗҫсене ал-ура вӗҫҫӗн вӑй хунӑ арканнӑ ҫӗршыва ура ҫине тӑратма. Окопсем чавни вӗсемшӗн ҫав хӑрушӑ тапхӑрӑн кулленхи йывӑрлӑхсен вӑхӑтлӑх саманчӗсем ҫеҫ пулнӑ.

Колхозниксем чӑннипех Аслӑ Ҫӗнтерӗве кунӗн-ҫӗрӗн тертленсе ҫывхартнӑ. Сӑр окопӗсене чавтараканӗсем халӑха нушалантарса, тен чакарнӑ та кӗтнӗ куна…

Ҫаксене вырӑна хурса аса илтеретӗп сире, Олег Алексеевич, хӑвӑр пуҫланӑ ӗҫе малалла тӑсма. Паян купалакан «шӑртлӑ» палӑкӑн ҫитменлӗхӗсене палӑртса, ӑна та тӳрлетмеллех, вӑхӑтлӑха ӗҫсене чарма та юрӗччӗ. Тен, «шӑртне» пӗр икҫӗр миллион тенкӗлӗх кӗскетсе ҫак укҫапах Ильина Гора ялӗ ҫумӗнче Сӑр шывӗн ҫыранӗ ҫинче, авалхи чиркӳ патнерех сӑпайлӑ Асӑну палӑкӗ лартсан колхоз хресченӗсене пуҫ тайса, вӗсен чунӗсенчен те пулин каҫару ыйтасчӗ. Колхоза кӗмен хресченсене те манас марччӗ. Ман шутпа, ҫак палӑка тума укҫапа пулӑшанакансем тупӑнаҫҫех. Проекчӗсене тума та, ӑсталама та хамӑр маҫтӑрсенех явӑҫтармалла! Атту эпир нимӗҫле-чӑвашла трактӑра та тӑванла Итали тимӗрҫисем шӑратса парасса кӗтетпӗр. «Пирӗн хурҫӑ ҫемҫерех, ҫавӑнпа тракторсем ванаҫҫӗ», - терӗ мана пӗррехинче Шупашкар тракторӗсене юсакан инженер Володя Федоров…

Конгресӑн халӑха чӑрмантаракан пур пулӑмсемпе те кӗрешмелле, уйрӑмах чӑваш ялӗсене сыхласа хӑварма ял пурнӑҫӗн условийӗсене ҫӗнетессипе. Акӑ хӑш-пӗр сӗнӳсем ҫеҫ.

Ҫулталӑк каялла пуҫланӑ ҫӳпӗ-каяш пуҫтарса ҫутҫанталӑка упраса хӑварассин пӗр утӑмне ҫеҫ турӗҫ-ха. Ҫак вӑхӑтрах халӑхран кулса тенӗ пекех влаҫ ҫыннисем чӗмсӗр пулнипе, ҫӳпӗ кӑларман, ҫын пурӑнман ҫуртсен хуҫисенчен те чиперех укҫа шӑйӑраҫҫӗ «экопуянсем». Анчах та проектӑн чи кирлӗ енне, ҫӳпӗрен тепӗр хут усӑ курма пултаракан материалсене килтех уйӑрса пуҫтарассине йӗркелеме хал ҫитереймерӗҫ Аслӑ чиновниксем. Кӗҫӗннисем те.

Нумай ял йӗри-тавра пӑрахнӑ ҫӗрсемпе усӑ курма питӗ тӑкаклӑ ӗҫ. Ҫӗрсен хакӗсене кадастрӑлласа вуншар хут хӑпартни те «айӑплӑ». Куланай шайӗсене, пире айвансем вырӑнне хурса-ши, тимлӗн пӑхса чакармарӗҫ. Кунта конгресӑн та сӑмсана чикес пулать.

Яла пурӑнма куҫакан ҫемьесене тӗпленме «подъемный» пособисем пама саккунпа ҫирӗплетмеллех. Ман шутпа, ҫывӑхри хуларан 10-15 ҫухрӑмра вырнаҫнӑ яла куҫакансене ҫӗршер пин тенкӗ парса хавхалантармалла.

Чӑрмавӗсем татах та нумай. Акӑ тата халӑхӑн хӑй пурнӑҫне конституципе килӗшӳллӗн туса пыма вырӑнти право йӗркисем чакнӑҫемӗн хӑш-пӗр патшалӑх чиновникӗсем алхасмах пуҫларӗҫ. Вӗсем патне ыйтса янӑ ҫырусене те хуравлашшӑн мар. Е копиркӑ витӗр тенӗ пек сивӗккӗн яваплаҫҫӗ компьютер ҫуратнӑ ҫырусемпе. Ку модӑ вӑйлансах пырать… «Самоуправлени» текеннин форми те шӑрши те ҫук.

Вӗҫленӗ май тепӗр хут аса илтерес килеть хисеплӗ Ватҫын «тӑшман умӗнче пуҫа тайма» пил панине. Ку сенӳ «иноагент» картинчен мар-ши? Хальхи тапхӑрта Раҫҫей патшалӑхне куҫ хӗссе чикӗ леш енчен нумай вӗрентӳ учережденийӗсене, университетсене, театрсене те тен, хулӑм укҫапа хӑйсен енне ҫавӑраҫҫӗ… Тапӑнса кӗресси те пулӗ-ха. Питӗ шел, ҫак сӗнӗве хирӗҫлекен делегат тупӑнмарӗ. Чӑтӑмлӑ халӑх?..

Ҫук, пирӗн тӑшман умӗнче пачах пуҫа усма юрамасть. Тӗрӗссипе каласан, хуҫаланакан чиновник - пуҫлӑх юлташсем умӗнче те. Конституцире кун пек статья ҫук.

Анчах суйланнӑ ЧНК президентне Валерий Клементьева та асӑрхаттарас килет «эволюцилле» ӗҫлеме чӗннишӗн. Конгресӑн лӑпкӑ кантурӗнче те кӑра ҫилсем варкӑшчӑр, пухусенче кашни ҫынна сӑмах калама ирӗк памалла, итлесе ӗҫ тӑвас пулать.

Эпир, чӑвашсем, вырӑссем, ытти Раҫҫей халӑхӗ Совет Союзӗ аркансан нумай енӗпе путнӑ, ытти халӑхсенчен юлса пыратпӑр. Алӑри смартфонсемпе чикӗ леш енчисен тыткӑнне тахҫанах лекнӗ те, «джи-пи-эс» спутникӗсем пирӗн автомобильсене талӑкӗпех йӗрлесе тӑраҫҫӗ…

Пирӗн кар тӑрса сисмен тамӑкран хӑтӑлмалла, тӗрӗслӗхшӗн кӗрешсе тӑшмансене хирӗҫ тӑмалла. Вӑранӑр, уснӑ пуҫӑрсене ҫӗклӗр!

 

Ваттисен Ирӗклӗ Канашӑн председателӗ Николай Адёр

2021 ҫ., ноябрӗн 7-мӗшӗ.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

#ял хуҫалӑхӗ, #истори, #чӑвашлӑх, #ЧНК, #колхозсем

 

Ҫавӑн пекех пӑхӑр

Ҫӑлкуҫа сыхлакан Шупаш
2021, 05, 02
Мускаври чӑвашсем «Кӗр сӑрине» пуҫтарӑннӑ
2021, 10, 18
ЧНК черетлӗ Аслӑ Пухӑвӗ умӗн чӗнсе калани (Уҫӑ ҫыру)
2021, 10, 22
ЧНК президентне суйланӑ
2021, 10, 26
Элтепер ЧНКна ҫӗнӗлле ӗҫлеме сӗннӗ
2021, 11, 02

Комментари:

Куракан // 2605.48.4451
2021.11.09 21:41
Валерий Яковлев мĕне пула конгресс çумне çыпçăннă вара?Чăваш театрне куракансем çÿреми пуличчен антарса лартнăран айĕнчи пуканĕ чĕриклетме пуçланăран-ши?Вăл нихăçан та когресс хастарĕ пулман.Ваттисен ячĕпе делегатсене пил пама унăн нимле тивĕç те çук.Влаç умĕнче пуçне усса хисеплĕ ятшăн е премишĕн йăпăлтатса пурăнакан çынра паттăрлăх туйăмĕ пулас çук,делегатсен чунне вăй кĕртекен шухăшсем те тупăнас çук.Çын мĕнлерех калаçать- сăнĕ те çапларах теççĕ.
Вулакан // 3118.54.8971
2021.11.10 00:58
Кураканпа килӗшетӗп.
Евразиец // 1977.69.9930
2021.11.11 20:35
Глубокоуважаемый старец-аксакал Николай Адер абсолютно прав. Абсолютнейшим образом прав. Все причины он совершенно правильно раскрыл. Современная орфография чувашского языка только отчуждает людей от родного языка. Просто, когда читаешь тексты, написанные с использованием современных правил, душа протестует. Если даже молодое поколение будет изучать язык с такими правилами (думаю, что нет!), то старшее поколение их не будет понимать, возникнет конфликт между поколениями, конфликт, созданный не думающей "интеллигенцией", именно "интеллигенцией" в кавычках. Николай Адер здесь абсолютно прав. Очень много умничающих, но ничего не делающих людей много стало в Чувашии. Свободно пройтись в Чебоксарах невозможно, шаг делаешь - народные поэты, еще шаг писатели... академики, но кого только нет, Главное их понимающих совершенно нет. Главное нет экономики, разумное использование земли. Поддерживаю каждое слово Николая Адера. Хоть один думающий, по настоящему мыслящий человек из народной среды появился. Здоровье и долгих лет жизни Вам Николай!
Agabazar // 8675.1.2931
2021.11.12 12:25
Agabazar
Евраçийццă юлташ, сана Адёр чăваш орфографийĕ пирки калани мар, лешĕ Чăваш конгресĕн çурчĕн çамки çинчен акăлчанла кăтартăша илсе пăрахма сĕнни савăнтарать.

Чăваш республикинче 128 халăх çынни теççĕ. Эппин чĕлхесем те çавăн чухлех. 128 чĕлхерен пĕри — акăлчан чĕлхи.

Акăлчан чĕлхи кирлĕ мар тесе, ăна вĕрентме пăрах эппин. Ача сачĕсенчен, шкулсенчен, асла шкулсенчен хăваласа кăлар. Вĕрентевçисене ĕçрен кăларса сирпĕт те вырăс чĕлхине вĕрентме яр.

Чăннипе, шел пулин те, пирĕн хушăра акăлчан чĕлхисене пĕлекенсем нумаях мар. Уйрăмах синхронист-куçаруçă шайĕнчисем. Шутсăр кирлĕ чухне Мускавран варяг шучĕпе чĕнсе илеççĕ.
Евразиец // 1977.69.9930
2021.11.12 14:36
Agabazar, мухмăрла что-ли? Что ли мухмăрла? А... точно, очевидно, вакцинировался... Я не помню и никогда не видел на "лбу" ЧНК надпись на английском языке.
Agabazar // 8675.1.2931
2021.11.12 14:58
Agabazar
Орфографишĕн пачах та пăшăрханма кирлĕ мар. Ăна, хай виличчен, Петĕр Яккусен пĕтĕмпех майлаштарса хăварнă.

Вăл айкомисси пуçлăхĕ пулнă.

Тавтапуç Петр Яковлевич Яковлева!

Чăваш республикинче 128 халăх пурăнать. Кам çавсене пурне те тата тĕрĕс асăнса тухма пултарать, çавна канихвет лекет.
Микула // 1077.37.9691
2021.11.12 20:36
Тутарстанра,сӑмахран, Тӑван Чӗлхе ҫулталӗкӗ. Ӗҫлеҫҫӗ. Пирӗн, асӑрхасан, палӑксем лартасси пулмалла ? Ӗҫлемесен те юрать. Патриотизм шайне палӑксемпе виҫме хӑтланни айвавнла шухӑш. Халӑха хисеплекен влаҫ пулсан пулӗ,хисепӗ пулмасан вӑйпа кӗртме ҫук патриотизм тенине .
<br> Гимн чӑннипех тепри пулмалла,сӑмахран "Чӑваш Хӗвелӗ",Заводскова юрлать.
<br> Кама кирлӗ ун пек ЧНК ? Конгресс тени паллах кирлӗ,анчах та кун пекки мар.ӳлӗмрен теприне тӑвассах пулать. Малтанласа интернетра,калӑпӑр ВЧК (Все Чувашский Конгресс), АЧК (Альтернативный Чувашский Конгресс), АЧАК (автономный)... ???
Agabazar // 8675.1.2931
2021.11.12 23:41
Agabazar
Юрĕ, Микула, пурте эпĕр, ыттисене йăлтах пăрахăçласа, сан тавра чăмăртанăпăр. Сана Улăп тейĕпĕр.

Эппин ертсе кай пире хăвăн хыççăн.

Анчах та вăйу çитет-и? Тăсăлса ан ÿк.
Евразиец // 1977.69.9930
2021.11.13 07:14
Мигула, что вы хотели? В Татрстане президент, а в Чувашии глава... Вам нужно было записаться татарином вовремя переписи и переехать жить в Татарстан. Уже участвовал бы на дне татарского языка... с татарскими детскими садами...
Микула // 1077.37.9691
2021.11.13 18:45
Акапасар кам валли каланӑ ҫавна ? Ман хыҫҫӑн ан утӑр,тен ҫулӗ ман тӗрӗсех мар , сирӗн хыҫҫӑн та утмӑп ,тен эсир йӑнӑш утатӑр, пӗрле утма яланах хатӗр. Сире пӑхса ,эсир каланине итлесе ,ҫырнине вуласа тӗлӗнсе анчах лармалла. Тӑван чӗлхепе ӳстермелли ача сачӗсем чӗлхе никӗсӗ пулмаллине сӗрӗм тивнӗ пуҫпа анчах ӑнланма ҫук. Сӑмахпа ӗненмесен тӗслӗх те сӑмса умӗнче ,Хусан хулли. Пирӗн вҫо "ашшӗ-амӑшӗ" ҫине тивентересшӗн ? Ҫапла калаҫҫӗ пулсан тӳрех "профнепригодность" тесе ӑнланмалла.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org