Сайта кӗр | Регистраци | Сайта кӗрсен унпа туллин усӑ курма пулӗ
 +1.3 °C
Уйӑх ҫути — ҫул ҫути, хӗвел ҫути — кун ҫути.
[ваттисен сӑмахӗ]
 

Культура: Тав сӑмахӗ

Паллашу Чӑваш чӗлхине якатас тӗллевпе Чӗмпӗрте пурӑнакан, ман ҫулсӗне ҫывӑх ҫынсемпе пал...
Туянатӑп Ашмаринӑн 17 том куҫару кӗнекисене шыратӑп.
Сутатӑп Ӑшӑ матрас сутатӑп. Германире кӑларнӑ. Гаранти 5 ҫул. Хакӗ 2500 тенкӗ.
Николай Сидоров 22.10.2021 12:03 | 962 хут пӑхнӑ
Харпӑр шухӑш Культура

Нумаях пулмасть эпӗ сайтра «Якку пичче» ятлӑ аса илӳ статйи пичетлерӗм. Ӑна писатель Чӑваш халӑх поэчӗ Яков Гаврилович Ухсай ҫуралнӑранпа 110 ҫул ҫитнине халалларӑм. Ҫак статьяна Мускавра пурӑнакан поэтӑн аслӑ хӗрӗ Елена Яковлевна та вуланӑ, ман пата тав сӑмахӗ ҫырса ячӗ. Ҫавӑн пекех вӑл тинтерех кӑна хӑйӗн пурнӑҫӗнчи пӗр пӑтӑрмаха аса илнӗ. Ӑн иккен чӑваш хӗрӗ вилӗмрен ҫӑлса хӑварнӑ.

Инкек куҫа курӑнса килмест. Елена Яковлевна каласа панӑ тӑрӑх, ӑна пӗр кӗтмен ҫӗртен кӑшлавирус чирӗ аптратса ӳкернӗ. Больницӑна вӑхӑтра ҫитмен пирки чир ытла шала кайнӑ. Унӑн ирӗксӗрех «Васкавлӑ пулӑшу» чӗнме тивнӗ. Пулӑшу экипажӗн врачӗ – хӗрарӑм – Елена Яковлевнӑн докуменчӗсене пӑхнӑ та тӗлӗнсех кайнӑ.

— Эсир Яков Гаврилович Ухсай хӗрӗ-им? — тесе ыйтнӑ.

— Ҫапла, эпӗ, — хуравланӑ кил хуҫи.

— Эпӗ Чӑваш Республикинчен, — пӗлтернӗ хӗрарӑм-тухтӑр. — Сирӗн аҫӑр пирки те, унӑн сӑввисене те нумай вуланӑ. Сире халех Мускаври «Коммунарка» больницине илсе ҫитерӗп. Унта ҫак усал чиртен хӑвӑрт, пӗлсе сыватаҫҫӗ.

Елена Яковлена каланӑ тӑрӑх, вӑл ҫак больницӑна лекмен пулсан сывалса та тухас ҫукчӗ. Шел те, вӑл мана ҫав тухтӑрӑн ятне-шывне пӗлтермен. Пӗрех Мускавра ӗҫлекен чӑваш тухтӑрне хамӑн ятран, чӑваш халӑх ятӗнчен пысӑк тав сӑмахӗ каласшӑн. Ҫак пархатарлӑ та сӑваплӑ ӗҫре нумай ҫын пурнӑҫне ҫӑлса хӑварма ӑна ырлӑх-сывлӑх сунасшӑн.

Редакцирен: Статьяна вырнаҫтарни редакци автор шухӑшӗпе килӗшнине пӗлтермест.

#Мускав, #юбилейсем, #чӑвашлӑх, #ҫырусем, #тав сӑмахӗсем, #Яков Ухсай, #чӑвашсем, #тухтӑрсем

 

Ҫавӑн пекех пӑхӑр

Чӑваш тухтӑрне Владимир Путин чысланӑ
2020, 12, 13
Мускавра пурӑнакан хӗр чӑваш пуканисене ӳкерет
2021, 01, 22
Мускаври чӑвашсем Юхма Мишшине саламланӑ
2021, 04, 12
Ханты-Мансийскра та «Пӗтӗм чӑваш диктантне» ҫырнӑ
2021, 05, 17
Мускаври чӑвашсем «Кӗр сӑрине» пуҫтарӑннӑ
2021, 10, 18

Комментари:

Agabazar // 3066.51.1900
2021.10.22 13:36
Agabazar
Вăт вакцынланасси тĕлĕшпе мĕнле лайăх реклама (кăна эпир çак хыпарăн пĕр усăллă енĕ тейĕпĕр).

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org