после-уроков.рф сайтри сӑн

Кӑҫал та, пӗлтӗрхи пекех, РФ Президенчӗ Владимир Путин шкул ачисене 10-шар пин тенкӗ пама йышӑннӑ. Ку укҫапа ашшӗ-амӑшӗ вӗсене тумлантарӗ, шкул хатӗрӗсем илсе парӗ.

Малтан 10 пин тенке ҫурлан 15-мӗшӗнче пама тытӑнасси пирки пӗлтернӗ. Анчах Президент ку ӗҫе хӑвӑртлатма ыйтнӑ – ашшӗ-амӑшӗ кирлӗ хатӗр-хӗтӗре, тумтире хыпаланса ан туянтӑр.

Утӑ уйӑхӗн 29-мӗшӗнче Владимир Путин ӗҫлев министрӗпе Антон Котяковпа тӗл пулсан шӑпах кун пирки калаҫнӑ. Владимир Владимирович тӳлеве маларах куҫармашкӑн сӗннӗ. Министр укҫана ҫурлан 2-мӗшӗнчен куҫармашкӑн пуҫлама хатӗр пулнине пӗлтернӗ.

Сӑмах май, Чӑваш Енре ку тӳлеве 158 пин ача тивӗҫӗ.

#вӗренӳ, #укҫа-тенкӗ, #ачасем, #президент