Ачасене хӳтӗлемелли пӗтӗм тӗнчери кун Шупашкарта инклюзивлӑ концерт кӑтартӗҫ. Ӑна сусӑр ачасен «Свобода» общество организацийӗ йӗркелӗ. «Маленький принц и его друзья» (чӑв. Пӗчӗк принц тата унӑн тусӗсем) концерт Шупашкарти «Кӑнтӑр» культура ҫуртӗнче 18 сехетре пуҫланӗ. Унта тӳлевсӗрех кӗртӗҫ.

Концерта ача-пӑча коллективӗсем хутшӑнӗҫ. Вӗсем сцена ҫине ташӑ тата юрӑ номерӗсемпе тухӗҫ. Сӑмахран, «Detkids» мода театрне ҫӳрекен «хӗвеллӗ» ачасем, «Солнышко» театрпа ташӑ коллективӗ, паракаратистсем, Шупашкарти сывлӑх енчен хавшак ачасен 1-мӗш шкулне ҫӳрекенсем.

#культура ҫурчӗсем, #ачасем, #уявсем, #сывлӑх, #Шупашкар, #концертсем