Чӑваш Енре 122 номерлӗ телефон номерӗ ӗҫлесе кайнине Чӑваш халӑх сайчӗ унччен пӗлтернӗччӗ-ха. «Хӗрӳ линире» ҫак кунсенче ҫӗнӗ сервис хута янӑ. Ҫӗнӗ кӑшӑлвирус инфекцийӗнчен прививка тутарас текенсен шӑнкӑравне кӑрлачӑн 28-мӗшӗнчен тытӑнса сасӑ пулӑшуҫи йышӑнма тытӑннӑ.

Роботпа ҫыхӑнма 122 номерпе шӑнкӑравламалла, унтан 2 цифрӑна пусмалла. Унтан тытӑм медицина полисӗн номерне пӗлтерме ыйтӗ. Вӑл Республикӑн информаци медицина тытӑмӗн даннӑйӗсемпе тӗрӗсленӗ хыҫҫӑн пульницӑна черете ҫырса хурӗ. Кӑштахран ҫынпа медицина ӗҫченӗ ҫыхӑнӗ, вӑл вакцинаци валли меллӗ вӑхӑта уҫӑмлатӗ. Процедура 1,5-2 минутран ытла йышӑнмӗ.

#тухтӑрсем, #кӑшӑлвирус, #сывлӑх, #пульницӑсем