Сайта кӗр | Регистраци | Сайта кӗрсен унпа туллин усӑ курма пулӗ
 +5.3 °C
Йытӑ та хӑй хӳрине вараламасть.
[ваттисен сӑмахӗ]
 

Хыпар: Уява халалласа — харӑс икӗ тупӑшу

Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
galina.belkova 23.02.2013 12:17 | 1636 хут пӑхнӑ

Тӑван Ҫӗршыва хӳтӗлекенсен кунӗ — пирӗн ҫӗршыври чи паллӑ уявсенчен пӗри. Ҫак уяв ячӗпе кашни организаци тӗрлӗрен мероприятисем йӗркелет. Шкулсенче те ҫак ятпа тӗрлӗ ӗҫ-пуҫ пулса иртет. Хырхӗрри тӗп шкулӗнче, сӑмахран, харӑсах икӗ пысӑк конкурс иртрӗ. Кӗҫнерникун, нарӑсӑн 21-мӗшӗнче, 5-6 классенче вӗренекен ачасем «Шкулти Улӑп» тупӑшӑва хутшӑнчӗҫ. Рома Емельянов, Иван Шиков, Андрей Пожеданов тата Женя Евграфов малтанах хӑйсемпе паллаштарчӗҫ, чун киленӗвӗ (хобби) ҫинчен каласа пачӗҫ. Унтан пӗр-пӗринпе ӑмӑртса вӑй виҫрӗҫ, тӗрлӗрен ыйтусем ҫине хурав пачӗҫ. Хӑйсене пулӑшса пыракан пӗр класра вӗренекен ачасемпе кашниех пӗр ташӑ ташласа пачӗ. Арҫын ача пулсан та, хӗрачасен ҫӳҫӗсене илемлӗ тураса капӑрлатса пама та пултарчӗҫ вӗсем. Пӗтӗмлетӳ тунӑ хыҫҫӑн малти вырӑна саккӑрмӗш класра вӗренекен Женя Евграфов тухса ҫӗнтерӳҫӗ ятне тивӗҫни паллӑ пулчӗ. Ҫак ятпа ӑна юлташӗсем алӑ ҫупса саламларӗҫ, уншӑн хӗпӗртерӗҫ. Конкурса шкулти аслӑ вожатӑй В.Лепешкина тата культура ҫурчӗн ертӳҫи Т.Бормотина хатӗрлесе-ертсе пычӗҫ.

Эрнекун уроксем хыҫҫӑн вӗрентекенсемпе шкул ачисем, тата вӗсен ашшӗ-амӑшӗсем спортзала васкарӗҫ. Кунта «Атте, анне, эпӗ — спортпа туслӑ ҫемье» тупӑшу пуҫланчӗ. Тупӑшӑва пӗрремӗш класс ертӳҫи Галина Витальевна Храмова йӗркелерӗ. Унта пурӗ пилӗк ушкӑн хутшӑнчӗ. Кашни ушкӑнтах виҫшер ҫын: ашшӗ, амӑшӗ тата вӗсен пӗрремӗш класра вӗренекен ачи. Ҫулпа ҫамрӑк пулсан та — пӗрремӗш класс ачисем кашни хӑйӗн ушкӑнӗнче капитан пулса карапӗсене ҫӗнтерӳ патне ертсе пычӗ.

Тӳпӑшусем кашни хӑйнеевӗрлӗ. Сӑмахран, «Тӗмсем ҫине пусса шурлӑх урлӑ каҫасси» — кунта ушкӑнри кашни ҫын ури айӗнчи «тӗмсене» черетлесе куҫарса пырса палӑртнӑ вырӑна маларах ҫитме тӑрӑшрӗ. «Пахчана ҫимӗҫ лартасси» тупӑшура ҫӑмхасене йӑтса спортзалӑн тепӗр вӗҫне кайса «пахчана» лартса хӑвармалла, «Маугли» конкурсра ашшӗпе амӑшӗ пепкисене хӑйсен хулпуҫҫине уртса янӑ патак ҫинче йӑтса чупмалла пулчӗ. Кашни ушкӑна куракансем тӑвӑллӑ алӑ ҫупса хавхалантарса тӑчӗҫ. Питех те ҫамӑл пулмарӗ тӳресене ҫӗнтерӳҫӗсене палӑртма. Канаш тытнӑ хыҫҫӑн ҫапла йышӑну турӗҫ вӗсем: «Чи йӑрӑ ҫемйе» ята Салаевсене, «Чи тӗреклӗ ҫемье» — Хлебниковсене, «Чи хаваслӑ ҫемьӗ» — Лепешкинсене, «Чи туслӑ ҫемье» — Шиковсене, «Спортпа туслӑ ҫемье» — Исаевсене парас. Ҫак тупӑшу та тулли те хаваслӑ кӑмӑлпа иртрӗ. Ашшӗ-амӑшӗсемпе шкул хушшинчи ҫыхӑну вара тата та ҫирӗпрех пулчӗ.

#Комсомольски районӗ, #Хырхӗрри, #шкулсем

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Баннерсем

Шутлавҫӑсем