Иртсе кайнӑ талӑкра пирӗн республикӑра кӑшӑлвирус тата тепӗр ҫын пурнӑҫне татнӑ. Ҫапла вара COVID-19 47 ҫынна леш тӗнчене ӑсатнӑ. Ку вӑл – Чӑваш Ен Сывлӑх сыхлав министерстви пӗлтерекен официаллӑ цифрӑсем ӗнентерни тӑрӑх.

Паян, утӑ уйӑхӗн 14-мӗшӗнче, кӑшӑлвируспа пирӗн республикӑри тата 54 ҫын чирлине палӑртнӑ. «Стопкоронавирус.рф» сайтра хыпарланӑ тӑрӑх, эпидеми пуҫланнӑранпа кӑшӑлвирус диагнозне Чӑваш Енре 5940 ҫыннӑнне тупса палӑртнӑ.

Хальхи вӑхӑтра кӑшӑлвируспа 2665 ҫын чирлет. Вирус алхасма пуҫланӑранпа 3228 пациент сывалнӑ, юлашки талӑкра – 25-ӗн.

Пирӗн ҫӗршывра кӑшӑлвируса хирӗҫ икӗ йышши препарат шухӑшласа кӑларнӑ. Сӑмах май, вакцина тӗрӗслевне те иртереҫҫӗ.

#Сывлӑх сыхлав министерстви, #сывлӑх, #статистика, #кӑшӑлвирус